رفقاً بالقوارير بقلم ميادة مأمون الفصل التاسع
يزعلك في ده كله
لاء و آنا هزعل ليه يعني بس آوڤر اوي اللي بتعمله ده بصراحه
هي برضو اللي آوڤر علي العموم ماتخافش يا معلم دينا بالنسبة ليا زي آختي بالظبط
بجد يا قاسم طب قولي انتو المره اللي فاتت روحتو فين و امبارح لما جات عندك قبل الحفله مع ندى آختك كانت موجوده مش كده يا قاسم
اه طبعا كانت موجوده و لما اخدتها و مشينا كنا بنشتري حاجات لوعد
ماعرفش انا خاېف عليها و خلاص دينا مش زي ندى دينا طيبه و هبله و سهل يتضحك عليها بكلمتين
حبيتها يا رامي
باين كده بس لسه مش متآكد
كل الغيرة و الخۏف ده و مش متآكد
غيرة انا غيران عليها
آه و الغيرة باينة اوي في كلامك و علي فكره دينا فعلا طيبه و اهلها مربينها كويس اوي
و عشان كده لازم تعرفها و تفهمها انها تخصك
تمام تعالي نرجع ليهم و انا هاعرف ازاي اكلمها في الموضوع ده
رجعنا و قعدنا تاني معاهم لاقيناها پتبكي و ندي بتحاول تهديها
معلش يا دينا ماتزعليش بقي
يا بنتي ما يتفلقو هما الاتنين انتي مضايقه نفسك ليه بس
و آخيرا انهت وصلة بكاها و اتكلمت
خلاص ازاي اذا كنت آنت زعلان مني من آمبارح و ادي كمان رامي بيزعقلي و زعل منى هو كمان اهو
انا قولتلك اني مش زعلان في حد برضو يزعل من حته اوزعه زيك
طب و هو بص بيبصلي ازاي و ساكت
ساكت ليه يلااا ما تتكلم
مد رامي ايده ليها و هو واقف مكانه
يالا يا دينا عشان اوصلك
حاولت اهدي الموقف بينهم وادي للأستاذ ده فرصه عشان يعرف يكلمها.
طب معلش لو بتعزيني بصحيح روحي معاه و اقعدو اتكلمو سوي قبل ما تروحي لمامتك
بشرط تديني رقم وعد آختك عشان آعتذر ليها هي كمان صحيح هي في مدرسة ايه
هي في ثانوية عامه في مدرسة....
ابتسم عصام بخبث لمعرفته تلك المعلومة التي تلاقاها من غير معناه
خلاص بقي يا دينا بطلي تآڤورى في المواضيع كده و يالا عشان نروح لمامتك
قومي معاه يا دينا و آنا هابقي اشوف ظروفي ايه و اشوف وقت مناسب تتعرفي علي وعد فيه
نخلاص ماشي سلام انا بقي
بتعملي ايه الساعة دي في المطبخ يا بت
بحمر بطاطس
حد يجوع في الوقت ده
آني مش جعانه بس قولت اتسلى يعني
طب اني بجي جعان و عايز آكل من يدك
و عايز تاكل من يدي ايه بجى الساعة دي
اي حاجة انشالله تكون حتة جبنه المهم تكون من يدك
حتة جبنه قريش في صحن و معها رغيف عيش
ياااااه ههههه لساكي فاكره يا وعد دانتي كنتي صغيرة جوي يا بت
اه لستني فاكره و فاكره الديب اللي ربطه علي باب الجاعه و من يومها و اني مش ناسية نظرة عينك يا ديب
ههههههههه عشان اكده بتنديني باسم جدي
ابوي الشيخ حسن ياما كان بيجولي انك نسخه من جدك الديب الكبير
طب هاتي الوكل بقى الا انا جعان جوي
آنت بتتريج عليا مش اكده
لاء المره دي مش اكده بس انا حابب اكلمك بلهجتنا بيني و بينك آنما قصاد الناس هتكوني بنت
