رفقاً بالقوارير بقلم/ ميادة مأمون

كيف عايزني اكتبلك عليها و انت بنفسك رافض جوازها لآنها قاصر
و عشان كده بقولك اكتبلي عليها لازم تعرف ان احنا الاتنين مربوطين برباط ابدي و مش هينحل أبدا.
حنى رأسه شويه زي ما يكون بيفكر في كلامي بس بصلي و اعترض برضو.
مش هينفع من غير بموافجتها يا قاسم.
كلامه زادني عند و من كتر چنوني زعقت فيه.
و انا ماتلزمنيش موافقتها في حاجه اكتبلي عليها دلوقتي انت مآذون الكفر ده
و اظن انك بتاخد موافقة الآهل مش القاصر زي ما بتقول.
طب يا ولدي سيبني ادخلها اني و اتحدت معاها
ماشي بس برضو هاتخرج من عندها و نكتب الكتاب.
دخل ليها الشيخ حسن و قعد يكلمها
پتبكي ليه يا وعد
عشان خاطرى يا ابوى اوعاك ترچعني معاه تاني ده بيضربني و بيهني كتير جوي
عشان غلطي و غلطك كان كبير لا يغتفر يا بتي.
اي عقاپ تعاقبني انت بيه اني هاكون راضيه لكن ابوس يدك يا بوي مش عايزة ارجع معاه
كيف بس يا وعد اذا كان هو مصمم يكتب كتابه عليكي دلوقيتي.
لاه لاه آوعاك يا بوي الحجيني يا آمي اني عمري ما هاكون مرته ابدا.
مش بمزاجك يا بنت عزوز 
قولت الكلمه دي و انا واقف علي الباب و بسمع رفضها بوداني رفضها اللي خلاني احلف انها ما تكون غير ليا.