مغامرات أبناء العاصي بقلم/ميادة مأمون

كده ليه
سيبيني هاروح ادور علي طمطم هي راحت فين يا خالتو
غزل ههههههه يا دي طمطم اللي مجننه الكل طلعت عند تيا وليا تنده لهم يا سيدي اقعد افطر انت وهما دلوقتي هاينزلو
لاء هاروح اجيبها احسن ليا تاكلها
ضحك الجميع عليه وهو يخرج من باب الشقه
غمزه انا مش عارفه الواد ده عامل فيها الحارس الامين بتاع طمطم كده ليه
عاصي وهو يضع يده علي كتفها ويضمها اليه
الله طالع لابوه بيحافظ علي اللي يخصه يا قلبي
هههههههه ماشي يا باشمهندس ما هم ماشين علي اسلوبك انت واخوك
حمزه وماله بقى اسلوبنا مش عاجبكو بعد تمانتشر سنه جواز اسلوبنا ولا ايه
غزل انا عن نفسي عاجبني وجدا كمان يا حبيبي
حمزه وهو يضمها من خصرها هههههههه ايوه بقى اهو بعد الكلمتين دول انا ممكن ماروحش الشغل النهارده واقعد هنا معاكي طول النهار.
ولكن عاصي لم يعطيه هذه الفرصه وامسكه من قميصه من الخلف
لا وعلي ايه يا حبيبي يلا يا أخويا قدامي وانا هدلعك انا 
واخذه من يده وخرجو من باب الشقه
غزل شوفتي جوزك مش هاين عليه يسيب حمزه يوم واحد اجازه ازاي
غمزه يا أختي قولي ربنا ما يحرمهم من بعض يلا انا هاروح اشوف مامي قاعده في اوضتها ليه واخرجها بقى عشان نفطر علي ما البنات ينزلو
طيب وانا هاروح اعملي كوباية نسكافيه
دخلت غمزه علي والدتها وجدتها كانت تصلي
حرما يا روكا انتي كنتي بتصلي الصبح متأخر كده ولا ايه دي الساعة داخله علي عشرة
روقيه جمعا يا حبيبتي لا دا انا كنت بصلي الضحى ايه هو جوزك وجوز اختك نزلو ولا ايه
ايوه يا مامي فطرو وراحو علي الشركه يلا بينا احنا كمان عشان نفطر وهنزل فطار لعدي وبابا في الوكاله
روقية وهم يخرجو من غرفتها لاء يا حبيبتي هما فطرو من بدري انا حضرت ليهم الفطار قبل ما ينزلو ده حتى عاصي لما نزل قعد معاهم شوية بس مرديش يفطر معاهم وقال هايستني حمزه
غزل صباح الفل يا مامي انتي لسه صاحيه ولا ايه
صباح النور يا حبيبتي هو انا خم نوم زيك انا صاحيه من بدري بس كنت بصلي
دخلت عليهم فاطمه ذات الخمسة اعوام سريعا وهي تبكي ومن خلفها عبدالرحمن الصغير
غزل الله مالك يا طمطم بټعيطي ليه عملتي ايه تاني خليتي ليا تزعقلك
انا مس عملت حاجه انا كنت واقفه ساكته هي اللي علطول بتسعقلي
مش عملتي حاجه يا سهونه انتي مش هتبطلي الخصله اللي بقت فيكي دي حتى واحنا نايمين بتصنتي علينا
والله لأقصلك ودانك دول قالتها ليا القادمه من الخارج وهي مرتديه منامة ببنطلون برمودا قصير وتيشرت نصف كم وشعرها اشعس من اثر النوم

غمزه يا ساتر يا رب ايه المنظر ده دي غوله داخلة علينا دي ولا ايه
ما هي ليها حق البنت تتفزع من