أدمنت قسوتك بقلم سارة علي

ده يا مايا والا هتسمعي كلام مش هيعجبك
تحركت مايا خارج الغرفة وهي بالكاد تخفي دموعها هاهو يحملها ذنب ما حصل من جديد يقسو عليها
سحقا له ولمشاعرها التي بدأت تتحرك نحوه هو لن يتغير مهما حدث سيظل كما هو لا يختلف عما عرفته
خرج كريم من الغرفة بعد مرور اكثر من ساعة كان يبدو هادئا بشكل مريب اقترب من مايا الواجمة وجلس مقابلا لها وقال بأسف 
مايا انا اسف انا مقصدتش حاجة من كلامي انا بس مكنتش طايق نفسي ولا طايق حد
ردت مايا بعصبية تمكنت منها 
ده كله ميدكش الحق انك تعاملني بالشكل ده انا مراتك والمفروض اني من الطبيعي اشاركك في كل حاجة مينفعش تقولي مش عايز اسمع صوتك.
قاطعها بنبرة ناعمة محاولا امتصاص ڠضبها 
انا عارف ده ومتفهم كلامك بس حقيقي مكنتش واعي لتصرفاتي انا لما پغضب مش بكون واعي لأي حاجة بتصرف بدون وعي.
أشاحت مايا وجهها بعيدا عنه بضيق حقيقي ليقترب كريم منها ويجلس بجانبها ويقبض على ذقنها بأنامله مديرا وجهها ناحيته قائلا
لسه زعلانة مني
أجابته وقد تحركت العبرات داخل عينيها
انت مشفتش نفسك عاملتني ازاي
أمسك كف يدها وطبع قبلة عليه قبل ان يهتف بترجي 
انا اسف يا مايا سامحيني ارجوك
مسحت عينيها بأناملها برقة ثم قالت بنبرة رقيقة أذابته كليا 
هاسامحك بس بشرط بلاش تعاملني بالطريقة دي مرة تانيه
طبع قبلة اخرى على كف يدها وقال 
حاضر أي أوامر تانية
اومأت برأسها ليعقد حاجبيه متسائلا 
ايه كمان
اجابته بجدية
توعدني انك تشاركني بكل مشاكلك في وقت غضبك وضيقك مش عايزة احس اني بعيدة عنك فاهمني
زفر كريم أنفاسه وقال 
فاهمك يا مايا فاهمك اووي
نهض من مكانه وقال بحماس 
يلا قومي غيري هدومك هنخرج نتعشى بره.
سألته بإستغراب 
هو احنا مش هنرجع الفيلا الليلة
اجابها نفيا 
تؤ احنا هنفضل هنا الليلة كمان 
ابتسمت بإنشراح ثم قالت بحماس هي الأخرى 
هغير هدومي بسرعة
خدي راحتك عالاخر
اخرجت مايا فستان زهري اللون قصير يصل الى ما بعد ركبتها...
ارتدته وهي تشعر بسعادة غريبة تسيطر عليها
تأملت نفسها بالمرأة لتجد السرور واضحا على ملامحها مما زادها رقة وجاذبية
بدأت بتسريح شعرها الناعم الطويل ووضع المكياج على وجهها
انتهت من هذا لتتأمل جمالها بملامح مسترخية قاطعها رنين هاتفها لتحمله فتجد سعد المتصل
حملت الهاتف بسرعة بعدما أخفضت الصوت ثم اتجهت الى الحمام وأغلقت الباب خلفها وأجابت على المكالمة بعدما فتحت صنبور الماء 
نعم عايز ايه.
جاءها صوت سعد الساخر 
عايز مكافئة عاللي عملته النهاردة يا عروسة
مايا بقرف 
انت فاكر اني مبسوطة باللي عملته انت مين قالك تعمل كده
تطلع سعد الى هاتفه بتعجب ثم قال مبررا 
انا قلت احړق دمه شوية بدل ماهو حارق دمنا على طول
زفرت مايا انفاسها على مهل ثم قالت 
اسمعني يا سعد.... انا مش هستمر فحكاية الاڼتقام دي
يعني ايه
سألها سعد
مصډوما لترد ببرود 
يعني مش عايزة انتقم منه خلاص واعتبر كل الاتفاق اللي بينا منتهي
انتي أتجننتي يا مايا ايه اللي أتغير
هدرت به 
أولا متعليش صوتك عليا ثانيا انا حرة انتقم ...منتقمش ...براحتي
اغلقت الهاتف في وجهه ليتطلع اليه سعد پصدمة قبل ان يقول بتوعد 
طيب يا مايا ....انتي اللي ابتديتي
اما مايا فقد خرجت لكريم
تأملها وهي تقف أمامه بهذا الثوب المهلك كانت احلامه تتجسد بها بها فقط ېموت ويحيا يتنفس ويختنق بها ملاذه وأمانه
روحه التي ظن يوما انه فقدها اقترب منها وطبع قبلة على وجنتها اما مذاق وجنتيها فكان شيئا أخر شيء يضاهي مذاق شفتيها....
قبض على كف يدها وسار بها خارج الجناح متجها بها الى المطعم ...