رواية في ظلمة بيجاد بقلم /ميادة مأمون

جدار هذا الكوخ تبكي حالها 
الي ان اصبحت الساعه الثانية عشر ظهر من بعيد ضوء سيارة بدأت تقترب فتقدمت منها تشير لها بيدها لتقف امامها ويظهر من بداخلها ومن يكون غيره حسن صديق زوجها والذي كاد ان يعتدي عليها. 
اااانت! 
انفزعت ورجعت للخلف وحاولت ان تجري بعيدا عنه ولكنها تعركلت وسقطت وهي تصرخ. 
ليجري هو عليها وهو يحاول تهدئتها. 
اهدي يا سارة اهدي ماتخافيش. 
صړخت بړعب منه وهي تنكمش في نفسها. 
ابعد عني حرام عليك ابعد عني. 
حاضر حاضر انا بعدت اهو بس اهدي وبطلي صړيخ. 
ابتعد خطوتان للخلف وانتظر قليلا حتى صمتت وهي تنظر اليه بريبة
ماتخافيش مني والله مش هقرب منك انا بس عايزك تسمعيني وانا هاعرف اهربك من بيجاد صدقيني وماتخفيش مني. 
ضمت حاجبيها بعدم فهم كانت تظن انه صديقه فلماذا سيساعدها على الهرب منه 
بصي انا عارف انك مظلومه ومش تستاهلي كل الزل اللي انتي فيه ده. 
بس كمان لازم تفهمي اني كل اللي انا عملته معاكي ده كان باتفاق بيني وبين بيجاد. 
انت كداب اذاي يتفق معاك انك تعمل حاجه زي دي وبعد كده يبعدك عني ويحميني منك. 
عمل كده عشان يبقي عمل فيكي جميل وتحسي انه هو اللي بيحميكي ومن غيره مش هتعرفي لاتروحي ولا تيجي 
وعلى فكره انتي لا مطلوبه من الحكومه و لافي اي حاجة تدينك من أساسه. 
هزت رأسها يمينا ويسارا بقوه تنفي ما يقوله. 
ازاي ده وراني محضر الشرطه وكمان شوفت قرار النيابه واسمي مكتوب فيه. 
الورق مزور فوقي يا ماما بيجاد محامي شاطر جدا وزي ما بيقولو بيعرف يلعب بالبيضه والحجر عرف يضحك عليكي عشان يجبرك انك تقعدي في بيته ڠصب عنك
بس انتي برافو عليكي انك عرفتي تهربي منه وانا هاساعدك انك تبعدي عنه خالص وماترجعيش ليه تاني. 
وليه كل ده! هاتعمل كده في مقابل ايه مع انك عارف اني بقيت مراته مرات صاحبك!
صمت قليلا ثم اكمل وهو يحاول ان يؤكد لها صدق كلماته
مش عارف هاتصدقيني في ده ولا لاء بس انا بحاول انقذ صاحبي من شړ دماغه. 
انا مش فاهمه حاجه. 
طب ممكن تركبي وانا هاحكيلك على كل حاجه قومي يا ساره انا مش هأذيكي والله. 
وقفت من علي الارض وسارت نحو سيارته ببطئ ولكنها توقفت خشت ان يكون كل حديثه عبارة عن كڈبة طويلة يستدرجها بها. 
يا بنتي اركبي قولتلك مش هقربلك وربنا. 
ركبت بالخلف وبدوره لم يعترض على ذلك وبدء يحكي لها قصة بيجاد من وقت ان تعرف عليه منذ الصغر الي ان اصبح بيجاد الألفي المحامي المعروف 
حتى توقف بسيارته عند محطة القطار وعندها اخرج لها ورقه وكتب عليها رقم هاتفه. 
بصي دا ميعاد قطر القاهره انتي هاتنزلي دلوقتي وهاتركبيه واول ما يوصل محطة رمسيس هاتنزلي منه هتلقي واحد مستنيكي هناك وهو هايقعدك عند وحده ست معرفه 
يلا مستنيه ايه تعالي اركبي القطر قبل ما يمشي. 
وافقته وبالفعل ركبت القطار وتركها وذهب بعد أن صورها بهاتفه حتى يرسل صورتها الي ذلك الشاب. 
فاقت من شرودها على صوته الغاضب وهو يفزعها بصراخه. 
سااااااااره! 
هاه نعم. 
ها ونعم! بقالي ساعه مستني منك اجابه وانتي سرحانه في ايه. 
للدرجه دي سؤالي صعب بقولك روحتي فين امباوح 
ها ااانا مش روحت في حته انا بس كنت خاېفه منك يا بيجاد وكنت فاكره اني لما ابعد عن هنا هاسترد حريتي لكن اكتشفت العكس خۏفت اول ما شوفت عسكري ماشي قريب مني. 
وقررت اني ارجع ليك تاني. 
عايزه تفهميني انك من ساعة ما خرجتي الساعة خمسة المغرب ولحد ما رجعتي الفجر مافيش حد قابلك غير عسكري ماشي في البلد وهو دا اللي خۏفك 
طب ما انتي بتعرفي تحوري اهو اومال عامله فيها البنت البريئة ليه
بعين زائغة قررت أن تهرب من أسئلته. 
وانا هاحور عليك ليه بص هو ده اللي حصل عايز تصدق صدق مش عايز انت حر بقى ااانا هاروح ليامن. 
حاولت الهروب مسرعه من عينه الغائرة 
لتجده يقف سريعا مجتذبها داخل غرفة مكتبه مغلقا بابها عليهم. 
واذا به يجذب حجابها من علي رأسها محتجزها بين يديه واضعا يده اليسرى على الحائط بجانب وجنتها اما يده اليمني
فكانت تضغط على خصرها بقوه وهو يعيد نفس سؤاله عليها. 
كنتي فين امبارح يا ساره
صړخة اه متألمه صړخت بها أثر ضغط يده على جانبها محاوله ابعاده عنها بوضع