رواية ساكن الضريح بقلم /ميادة مأمون

بجد فرحت انك قدرت تحولها ورقها بالسرعه دي
و كمان هتقدر تمتحن و مش هاتضيع عليها السنه. 
نظرت الي والدتها شزرا مجتزة على اسنانها بغيظ ثم عادت لتنظر في تلك الأوراق الموضوعه امامها. 
بينما ابتسم هو لها مطمئنا ماكنتش هاسمح بكده اصلا المهم دلوقتي هي بقي تشد حيلها في الامتحان بكره. 
ألقت القلم من يدها مرجعه شعرها خلفها بردة فعل صاخبه 
و عشان كده حضرتك كنت عاملهالي مفاجئة مش كده.

اهذه هي كلمة الشكر التي تقوليها له أيتها التافهه. 
و كأنها هواء بالغرفه و كأنه لم يسمع شئ مما قالته ليكمل مع والدتها....

تعالي يا ماجدة اقعدي انا كنت جايلك اصلا. 
جلسوا سويا مقابل بعضهم بعد أن ألقت ابنتها بنظرة غاضبة و همست له... 
في ايه يا مالك هي البت دي زعلتك في حاجه تاني. 
مالك ملقي جنيته بنظرة حائرة
سيبك منها دلوقتي وامسكي الظرف ده ليكي. 
ماجده عاقدة حاجبيها بعدم فهم 
ظرف ايه دا يا مالك 
ده عقد البيت اللي قاصدنا بتاع الحاج أمام ابو خالتي فاطمه فكراهم و لا نسيتهم يا خالتي. 
ماجدة متذكرة
لاء طبعا فاكراهم بس لسه مش فاهمه حاجه.
مالك موضحا لها
افهمك يا ستي الحاج أمام الله يرحمه يبقى جد حسام صاحبي و حسام ورث البيت ده من جده و انا اشتريته منه ليكي انتي و بنتك.
ماجدة بحزن 
للدرجة دي انت اضيقت مننا يا مالك طب ان كان عليا انا هامشي هاشوف شقه انشالله اوضه واقعد فيها بس يعني كمان مراتك. 
مالك بحزم
بس يا ماجدة لو سمحتي بطلي تخريف واسمعيني و افهمي قصدي. 
انتي مش ليكي نصيب في بيت جدي الله يرحمه. 
ماجده مستأنفه 
ايوه بس ده وقع خالص يا مالك انا شوفته مجيدة ورتهوني واحنا بره. 
مالك مصدقا على كلامها 
تمام انا بقى اشتريت ليكي البيت ده بدل نصيبك في البيت القديم لاني هاعيد بنائه تاني واحوله لعيادات طبية تخدم اهل الحي 
وقبل ماتقولي حاجه وتفكري في اي كلام تاني بصي على اسم المشتري في العقد كده.
فتحت ماجدة الظرف واخرجت العقد بيدها لترى اسمها و اسم شقيقتها و معهم اسم عنيدته. 
ماجدة ناظرة لابنتها بأبتسامه 
طب دا حقي انا و اختي البت دي تشاركنا فيه ليه. 
رفعت رأسها عن ما بيدها ناظره لهم معنى هذا انه قد اشركها معهم لتهب واقفه متمسكة بأوراقها پغضب مترجله للخارج.
صحيح انت ايه الي يخليك تشاركني معاكم في حاجه تخصكم هو انا بنتكم
انا مش عايزة منكم حاجه انا بنت محمد العسال مش بنتكم انتو عشان تورثوني او تشاركوني معاكم. 
جرت نحو غرفة والدتها و القت بنفسها على الفراش تبكي بحرارة الهذا الحد يريد بعدها عنه.
تنهد بقلة حيلة ولم يعلق على ما فعلته جنيته. لتردف ماجدة بحزن 
انا مش عارفة هي هاتفضل كده لحد امتى بس كل حاجة تاخدها بعصبية و تتهور وتقول كلام يحزن و بعد كده ترجع ټندم عليه. 
هم مالك بالخروج هو الاخر و قال بتروي 
قومي روحي ليها و خليكي معها هديها و قوليلها لما تخلص مذاكرة تيجي تنام