رواية ساكن الضريح بقلم /ميادة مأمون

قد فاجئته بردها هذا ليبتسم لها و يربت على كتفها بمودة.
اه يا خالتي قولتله والرجل مابينش اي اعتراض بالعكس ده قال ان حياتك في الماضي تخصك انت بس و هو مالوش انه يحاسب او حتي يتكلم في ده.
يعني فض... قدام الراجل و لسه عايز الرد دا باينه مابيفهمش و لا ايه.
هههههههه لاء على فكره دا دكتور محترم جدا بس هو اللي الدنيا لطشت معاه اوي كان متجوز واحدة يونانية وخلف منها ولدين توأم و هو عنده تلاتين سنه 
اخدتهم منه و رجعت بلدها بعد ما طلبت الطلاق و من ساعتها و هو مايعرفش
عن ولاده دول حاجة وعايش لوحده.
اردفت مجيدة بطيبة يا عيني يا مالك دا تلاقيهم
كبرو وبقو شباب دلوقتي
ماهو برضو شكله مش صغير.
قرر ان يخبرها كل شئ يخص صديقه الطبيب عندما وجدها متشوقة لسماع قصته. 
عنده تسعة وأربعين سنه و بيشتغل في المستشفى و عنده عيادة خاصة بيه قريبة من فيلته على فكره هو راجل ارستقراطي كده وتحسيه مرتب في كل حاجة
وأهم حاجة بقى انه مش همجي و هادي خالص يعني مش هيتعبك نهائي في اي حاجة. 
حيلك يا بني انت بتتكلم كده و كأني وافقت.
وترفضي ليه بس انا نفسي اعرف انت هتستفيدي ايه من وحدتك دي. 
بنتي معايا.
لاء بنتك معايا انا ومتفكريش اني ممكن اسيبها لحظة ليكي او لأي حد. 
ماجدة بحزن بس هي رافضة. 
مالك وقد شعر بلين رأسها وافقي انت ومالكيش دعوة بيها ياستي ان كان على موافقتها انا هاجبها لحد عندكوهي بنفسها هاتبلغك بيها.
نظرت ماجدة له بابتسامة و قد رأي في عيونها الموافقة فأومئ لها برأسه قائلا بمداعبة. 
على خيرة الله يا ماجدة يا بنتي بيقولو السكوت علامة الرضا
يلا نطلع بقى وربنا يتمم بخير و يقدرني على المچنونة اللي فوق دي. 
ضحكت ماجدة كثيرا من قلبها على كلماته وصعد بها وهو يضحك معهاثم ولج بها داخل غرفتها ليعاونها على التمدد في فراشها.
ماجدة رابته على راحة يده مالك ماتبلغش صاحبك بأي حاجة غير لما تكون متأكد من موافقة شذى
و لو هي صممت على رأيها يبقى تبلغه برفضي انا كمان. 
دثرها مالك بالغطاء و هتف 
اطمني يا خالتي انا مش هاعمل غير اللي يريحك وأن كان على شذى فادي بقي سيبيها عليا هتوافق يعني هتوافق.
دلف إليها وجدها جالسه خلف مكتبه فاتحة جهاز الحاسوب تبعه تستذكر عليه دروسها منهمكة بحماس. 
جحظت عينه واقترب منها سريعا ظنا انها تفتش فيه ليري ما تفعله بجهازه
انت بتعملي ايه.
شهقت شذى بفزع وصاحت بصوت عالي 
في ايه خضتني يا اخي.
لف مالك الجهاز و انحني امامه ليعبث وجهه و هو يرى تلك الملفات التي حملتها وفتحتها عليه. 
مين قالك تفتحي اللابتوب بتاعي وكمان حملتي عليه حاجات
اسمعي انا مش بحب كده الجهاز ده متسجل عليه عمليات وأفلام وثائقية مهمه جدا.
شذى بحزن
وانا مالي و مال عملياتك على العموم انا اسفة انا بس عيني وجعتني من المذاكره على التليفون 
قولت انقل الفولدرات على الجهاز بتاعك عشان الكتابة تبقى أوضح ماكنتش اعرف انك هتزعل كده بس خلاص امسحهم ولا تضايق نفسك انا مش هقرب من اي حاجة تخصك تاني.
اغمض مالك عينه لمدة ثانيه بتعصب قابضا على اصابع يده يدق بها على مكتبه وهو ينطق بنفاذ صبر.
شذييييى بطلي هبل مافيش حاجة بينا اسمها تخصني وتخصك. 
بس انا محضر على اللابتوب ده كل شغل المؤتمر الطبي وكان ممكن تقوليلي انك عايزة لابتوب وانا اجبلك واحد جديد على فكره بدل ما تبوظي ليا شغلي.
زجته شذى بلا مبالاة واتجهت نحو فراشهم شالحة مأزرها المخملي من عليها لتظهر امامه بمنامة ذات شورت قصير وحملات رفيعة من علي اكتافها متمردة عليه بأنزعاج.
مش عايزة منك حاجه انا اصلا خلاص خلصت مذاكرة وعلى فكره بقى انا مش جاهله عشان ادخل على شغلك و ابوظه ليك.
ابتلع مالك لعابه بشوق لها واتجه نحوها محتضنها من الخلف ضاممه الي صدره قبل أن تتمدد على الفراش 
هامسا بحب.
انت مش جاهلة بس عنيدة و دماغك ناشفة ومتمردة على كل حاجة. لفت جسدها داخل يديه والقت سهامها الڼارية وسط سماء ليله واضعة راحتي يدها على صدره سألة بنعومة 
وايه كمان. 
مالك تائها في جمالها 
و حبيبتي وروحي كمان بس لو تبطلي عندك ده. 
شذى بدلع 
انت بتحب عندي ده. انا بعشق كل تفاصيلك اصلا
ماتزعليش يا ستي من بكره هايكون عندك جهاز لاب خاص بيكي انت.
شذى بخجل منه لاء يا مالك مالوش لازمه اصلا بكره اخر يوم في الامتحان.
اشششش سيبك من الكلام ده مش احنا الاتنين بقينا واحد خلاص.
شذي عابثة في ازرار قميصه ناظرة الي صدره بخجل
اه يا حبيبي خلاص. 
مالك خاطفا قبله من وجنتها 
يبقى لما تحتاجي حاجه تطلبيها مني انا و من غير اي تردد. 
جلس بها على فراشهم وهي على قدمه تبادلا القبل بمودة 
طب انا عايزة اروح شقتي مش عايزة اقعد هنا عايزة اخد راحتي يا مالك.
اكتر من كده.... 
قالها مالك ناظرا الي جسدها شبه العاړي بأندهاش
ليغمز لها بطرف عينه. مانتي واخدة راحتك على الآخر اهو ولا نسيتي امبارح و عايزاني افكرك.
شذي محاولة فك ذراعيه من حولها
قليل الادب اوعى كده سيبني. 
مالك ضاحكا على خجلها اسيبك ايه هو في حد يقدر يسيب روحه برضو. 
زمت شفتيها وهمست له انا مش بقولك نمشي عشان حاجة مزعلاني بس انا حابه تبقى لينا حياتنا الخاصه يا مالك
ماما سمعتنا امبارح و قعدت تضحك و تلمحلي وانا بصراحة مش عايزة حد يعرف عننا حاجة. 
مالك موافقها الرأي طيب يا حبيبتي انا هاتصرف في الموضوع ده.
شذى
بفرحه هانرجع بيتنا. 
مالك نافيا
لاء انا ماقولتش كده بصي يا شذى انا بصراحة مرتبط بالمكان هنا قوي زي ما انت شايفة كده يعني المسجد والبيت هنا وامي و ابويا 
انا عاشق للحي كله عامل زي السمك اللي مايقدرش يعيش بره المايه. 
شذى بوجه متهجم نافضه يده من حولها. 
طب اوعي بقى خلي المايه اللي انت عايش فيها دي تنفعك 
وانا بصراحه ماعنديش استعداد اسمع كلمه تكسفني من اي حد دا انا بدخل الحمام وانا بتلفت حواليا زي الحرامية.
وقف مالك بوجه عابث يبدل ملابسه وهو يراها ترقد تحت الغطاء الثقيل معطياه ظهرها هاتفا لها. 
خلاص قولتلك هاتصرف هوضبلك البيت التاني وننقل فيه واظن لأمي ولأمك هايرفضو بعد ما مامتك تتجوز. 
انفزعت من رقدتها وهمت لتجلس امامه 
صاړخه في وجهه. 
ومين قالك انها هاتتجوز.
تلك النمرة المتوحشة التي عزم أمره على أن يروضها هاجمته بشراسة 
وقفت على الفراش بجسدها شبه العاړي و ظلت تصرخ فيه... 
قولتلك ماما مش هتتجوز ممكن تبطل تجيب السيرة دي بقى. 
كان قد شلح قميصة من علي جسده و انتفض منفزعا من صياحها اقترب سريعا منها محاولا انزالها من علي الفراش واخراسها عن صړاخها هذا.
مد مالك يده ليمسك يدها منفعلا عليها 
بطلي صړيخ و هبل بقى و انزلي.
امسكها بين يديه