رواية نسائم الروح الفصل الثامن عشر للكاتبة أمل نصر

خلفها
لا يا ست البرنسيسة جوزك لساتوا جاعد مربوط جنبك.
الټفت الى الجهة التي يحدثها بها من داخل المطبخ المفتوح لتتوسع عينيها بدهشة وهي تراه مرتديا لزي المطبخ وفي يده اداة ما .
لتتبسم بمرح مخاطبة له
ايه ده يا عارف لابس مريلة المطبخ وماسك سکينة التجطيع في ايدك معجولة تكون بتطبخ
ومش معجولة ليه وانا معايا ست بتصحى على جريب الضهر رجعتيني لعيشة العزوبية يا دلوعة اخوكي.
قهقهت بضحكة عالية لتقترب منه وتتخذ مقعدها امام البار مقابله لتردف بلهجة متأسفة
نصيبك بجى يا واد عمي بس انت ليه مصحتنيش انا نومي مش تجيل للدرجة دي.
عبس يتصنع الضيق ويداه مشغولتان بتقطيع الخضروات ليعلق
ما انتي لو بطولك لكنت جمدت جلبي ورشيت عليكي مية حتى لكن للأسف دلوك حماية اخاڤ اصحيكي واجلج حبيبي الغايب .
هذه المرة طالعته بحنو وقد أثرت بها كلماته لتسأله بفضول
كد كدة انت مشتاج للنونو يا عارف مكنتش اعرف انك بتحب الاطفال لدرجادي
وفي حد ميبحبش الاطفال انتي مچنونة
أجابت عن سؤاله ببعض التردد
لا انا جصدي يعني..... عشان بجالك سنين من ساعة جوازتك الاولى وانت لا سائل في جواز ولا أطفال.
توقفت عما يفعل يثبت ابصاره بخاصتيها قائلا
عشان مكنتش عايز حريم غيرك ولا اطفال من أي حد غير منك.... فهمتي بجى يا ناصحة
اومأت بهز رأسها بأعين لامعة
فهمت يا جلب يا روح ربي ما يحرمني منك يا احلى عوض.
لأول مرة تعبر بهذه الصراحة له لأول مرة يستشعر حبها الوليد وغزلها بجرأة لتغلبه روح الدعابة في مشاغبتها
ايه يا حلوة الجميل جايم رايق وليه مزاج يدلع بالكلام لا انا مش متعود ع الوش ده يا ست روح.
ردت بحالمية لا تخلو من مرح
اتعود على كيفك يا سيدي يعني انت تدلعني وتعملي الاكل اللي ريحته تفتح النفس دي وانا معنديش ډم ارد بكلمتين حتى..... إلا جولي انت عامل ايه صح
افتر فاهه بصيحة مندهشة
جولي كدة انتي بتجامليني عشان ريحة الصنية اللي في الفرن اخص عليكي طلعتي ست بيحركها هم بطنها وبس.
عادت لتأسر قلبه بسحر ضحكاتها قبل ان تتدارك لتسأله بتذكر
ألا جولي صح بجية الشعب راحوا فين انا مش شايفة ولا سامعة بحس أي حد فيهم.
دنى يجيبها وهو يلقي بنظره على ما بداخل الفرن
عزب يا ستي سافر ع البلد اما الندل اخوكي فدا خد مراته وابنها وراح يفسحهم في العاصمة عاملي فيها حبيب الباشا...... وادي الصنية جهزت
قال الأخيرة وهو يضعها على سطح البار امامها متوقعا لهفتها لو الصړاخ بمرح ولكن على العكس فقد وجدها ثابتة بل وسهمت بنظرها له ليتابع متسائلا
ايه يا مچنونة لتكوني فاكراني عكيت الاكل جايبه دليفري انا بس سخنت وعملت السلطة. 
تبسمت بخفة لاعترافه السريع لتعبر عما تريده.
والله مش محتاجة اعترافك لأنها باينة اصلا هو انت تعرف تسلق فرخة انا بس.......
بس ايه
سألها باهتمام لتجيبه على الفور
انا كمان كان نفسي اطلع واتفسح في البلد اشمعنا الست نادية يعني ولا انا مكتوب عليا زيارة المستشفيات وكفاية على كدة.......
رفع صدره زافرا بغيظ يخاطبها
يعني عايزة تروحي فين جولي يا اخرة صبري .
وما همت أن تخبره برغبتها حتى وجدته يصيح باعتراض
نعم يا اختي سيما ايه يا ام سيما على چثتي يا روح دا يحصل!
ضحكات ودعابات يتبادلاها الاثنان نحوها كل دقيقة من موقعهما خلف سياج الصور الحديدي باستمتاع لرؤية شاملة للعاصمة من هذا العلو وقد انتهى بهما المطاف الى