إسكربت لخمة

عرفت منين إن عمتو بعتالي الحاجات دي أنا بالأخص يعني ما يمكن بعتاها لسالي وإنت أتلخبطت في الألوان.
بعد ايدو عني وهو لسه محتفظ بنضارتي جواها والمره دي صوته هدي واتوتر كده.
عادي يعني يا هانم لأني ببساطة انا اللي كنت قاعد مع ماما وهي بتحضر شنطة الهدايا بتاعتكم وانا اللي كنت بكتب إسمك على كل هديه.
هات نضارتي.
فجائة حدف النضارة من شباك العربية
مافيش ز... تاني.
إنت عملت إي أنا كده مش هشوف كويس وانا في الجامعة و ممكن اتخبط او أقع من غيرها.
هيبقى أهون كتير من منظرك وأنت لبساها أتفضلي أنزلي إحنا وصلنا.
نزلت وانا ببربش بعيني ومصډومة من كلامه بعد ما هاجمني بكلامه دا ومن غير ولا كلمه تاني مشيت وان مش شايفة لمتر قدامي
وفي لحظة اتخبط في الرصيف و اتكعبلت و وقعت على وشي.
يييييي تاني يا لخمة لالالا إنت مافيش فايدة فيكي.
صړخ بكلامه دا من بعيد وسابني ومشي حتي ماحولش أنه يوقفني او يحميني من نظرات الشباب والبنات اللي وقفو يضحكو
عليا ومأنقذنيش من الموقف دا غير شروق صاحبتي زي ماكون طفلة ما صدقت تتستخبي في مامتها فضلت طول اليوم معاها ورأفة بحالي زي مابيقولو روحتني لحد البيت بعد محاضرتنا كمان وقررت إني ماروحش الكلية غير لما اكون عاملة نضارة جديدة
وقررت كمان اني اتجنبه نهائي بعد الأهانة دي 
تقريبا ماشفتوش
ودي كانت النتيجة بعد تلات أيام صحيت من النوم على صوت سالي وهي واقفة بتغني وتحط ميك أب كامل.
في إيه على الصبح وطي يا بنتي صوت الأغاني دي شوية مش في بني أدمه نايمة ولا احنا عندنا فرح النهاردة.
هيبقى عندنا قريب قوي يا حبيبتي إنتي بس اللي عايشة في كوكب تاني لوحدك ومش واخده بالك من اللي بيحصل.
مديت ايدي ادور على نضارتي الجديدة على الكمود اللي جانبي لحد ما لقتها ولبستها وانا عايزة أفهم معنى كلامها.
قصدك ايه يا سالي فرح مين دا اللي عندنا إيه دا هو انت خارجة ولا إيه.
طبعا خارجة زي كل يوم مع مجد.
حسيت بغصة كده وجعت قلبي.
هو انت كل يوم بتخرجي معاه.
أه يا سمر كل يوم بنخرج سوى من يوم ما انت قررتي تأجزي في البيت هو بيروح كليته وبياخدني معاه لحد المعهد ولما بيرجع بيكلمني وارجع معاه وكمان كنا بنتغدى بره ونخرج شوية والنهاردة طلب مني أنزل معاه وسط البلد يجيب شوية حاجات نقصاه.
أنت بقي قوليلي حابسة نفسك هنا بقالك كام يوم ليه.
ايدا يا سالي عادي يعني ماعنديش حاجة مهمة الايام دي في الكلية فقولت اذاكر في البيت أحسن.
سيبتها وجريت برة الأوضة قبل دموعي ماتخوني وجريت على الحمام غسلت وشي وحاولت أهدي نفسي واقنعها بتفكيري الجديد.
طبعا لازم يخرجها هي ويتفسح معاها هيا 
ولما يحب يشتري حاجة ياخد رأيها هي
انتي كنتي منتظرة إيه يعني منه بعد اللي عمله معاكي ما هو قالك فايدة فيكي
فوقي لنفسك بقى يا سمر وشيلي حبه من قلبك مجد عمره ما هيبصلك عشان إنت وحشة احسنلك تركزي في مذاكرتك عشان هي اللي بقيالك.
وبعد ما اتوضيت وعدلت حجابي ولبست نضارتي خرجت عشان أصلي وأقعد اذاكر بس للأسف لقيته واقف مستنيها ولسه مانزلوش.
صباح الخير.
أهلا
إيه أهلا دي طب حتي ردي الصباح عدل.
صباح النور يا سيدي عن إذنك بقى.
شايفك لبستي نضارة تاني مش قولنا بلاش منها على فكرة مخلية شكلك وحش.
قررت اتحداه وأرد ليه حتى لو جزء بسيط من أهانته ليا.
بيها او من غيرها أنا عارفة إني وحشة بس دي حاجة تخصني انا على فكرة ماتخصش حد تاني والنظارة عملوها عشان توضح النظر مش بس للعياقة يا دكتور.
فجائة لقيته قرب مني ولتاني مرة يسمح لنفسه يجذب نضارتي من على عيوني وقالي.
أولا إنت مش وحشة مافيش واحدة وحشة بتبقى عيونها زتوني ومرسومة رباني كده ثانيا بقى ودا الأهم لو نظرك ضعيف في أختراع إسمه ليزك نقدر نعمله وتصححي بصرك ثالثا بقى لو فوز أمي سمعتك بتقولي على نفسك كده هتقتلك عشان إنت عارفة إنك شبهها يا دكتورة.
ماعرفش ليه حسيت برجفة جويا خطفت قلبي وجبرتني اخطڤ النضارة من أيده وجريت على جوه وانا بتهته في الكلام كعادتي معاه
ليزيك إيه وبتاع إيه وأحنا قد الحاجات دي بردو.
استني
وقفت متسمرة مكاني لحد ما لقيته قرب مني تاني.
أحنا خارجين أنا وسالي نشتري شوية حاجات ليا ما تيجي معانا.
لاء معلش أنا عندي مذاكرة وبعدين كمان عشان ماتتحرجش من منظر النضارة بتاعتي
عن أذنك بقى.
طب أنا اسف لو كنت ضايقتك بحركة النضارة دي و يا ستي حقك عليا تعالي معايا بقى.
قبل ما أضعف وارد بالموافقة كانت سالي خلصت لبسها وخرجت ليه
يلا يا مجد أنا خلصت.
استني شوية يا سالي سمر هتلبس وتيجي معانا مش كده يا سمر.
يييي هو احنا لسه هنستنى سمر وبعدين ما انت شيافني بجهز نفسي من بدري ماقولتيش ليه إنك عايزة تيجي ولا انت عاملة زي العيال الصغيرة تشبطي كده على أخر لحظة.
كنت عارفة أنها بكلامها دا قاصدة توجعني وتضعفني قصاد مجد بس رديت بجملة غاظيتها هي.
مين قالك أني عايزة أجي أصلا مجد هو اللي عمال يتحايل عليا بس معلش يا مجد كفاية سالي معاك اصل انا مش فاضية.
حسيت بالڠضب رجع يتملك منه تاني لما لقيت سالي بتشده من إيده وبتتحرك بسرعة وبتنادي على ماما.
طب كده أوكي يلا بينا احنا عشان مانتأخرش يا مجد أحنا نازلين يا ماما.
الله هما نزلو يا سمر.
بصتلها بإستغراب
ايوة يا ماما نزلو هو أنت ماكنتيش تعرفي أنهم نازلين ولا إيه.
لاء يا حبيبتي كنت عارفة طبعا بس قولت هيستنو لما أخلص الفطار ويفطرو الأول معانا.
اه قولتيلي طب معلش بقي اهم نزلو ماتعمليش حسابهم في الفطار.
يوه طب وانت كمان رايحة فين مش هتفطري معايا.
لاء يا ست عليا مش هافطر أنا اصلا قومت عشان اصلي وهكمل نومي تاني.
طيب علي كيفك.
عدى اليوم وبعديه عدو كمان كام يوم وانا ببعد نفسي عنه بكل الطرق وسالي زي ما هي معاه بس في يوم لقيتها متغيرة كده ومش زي عاويدها
بدئت تهتم بحشمة لبسها وتعدل حجابها اللي كانت بتخرج منه نص شعرها أكتر
من الأول
تسبقنا قبل هو ماينزل وتروح المعهد بتاعها في الموصلات وبطلت كمان تطلبه كل شوية في الموبايل فقررت أسألها عن سبب التغير المفاجئ دا.
مش بعادتك يعني ياسالي بطلتي تلبسي بناطيل ضيقة وتحطي ميك اب أوڨر زي الأول.
أمرك عجيب يا سمر يعني هو أنا لما اهتم بنفسي تزعلي وتقولي بتعملي وبتسوي حاجات أوڨر ولما ابطل تقوليلي مش بعادتك
أعملك إي يعني هو انت مش بيعجبك العجب كده خالص ولا انت زعلانة عشان بلبس فساتينك وحلوين عليا اكتر منك.
بالعكس يا حبيبتي دانا مبسوطة بيكي بس يا رب التغير دا يدوم على طول وماترجعيش زي الأول.
ايوااا ادعيلي انه يدوم واللي في دماغي يتم وانا أوعدك إني مش هتغير.
ياه طب ايه بقى اللي في دماغك دا عشان تغيري أحوالك كدة.
أقولك وماتقوليش لحد.
أه قولي وماتخفيش يا ستي مش هقول لمجد مش هو دا بردو الحد اللي