رواية ملحمةالروسي بقلمي/ميادةمأمون

الفصل الثاني
هتف له بحب و ادب في نفس الوقت فهو برغم حبه له الا انه لم يفقد هيبته امامه ابدا.
بابا
كان يشعر به من وقت ولوجه اليه الا انه كعادته لم يلتفت له.
تعالي يا جاسر عملت ايه في الامتحان
القى الشاب الصغير بجسده جالسا على الاريكة من خلفه.
اوف الحمد لله اخيرا خلصت امتحانات.
ليردف والده برزانته المعهوده.
و ناوي علي ايه بقى.
يعني اية ناوي علي اية انت وعدتني لما هتسافر روسيا هاتخدني معاك.
و ايه الجديد ما انت كل اجازة بتروح هناك.
يعني انت عايزني اعمل ايه يا بابا.
عايزك تكبر بقي و تسيبك من شغل العيال ده انت داخل علي مرحلة الشباب يعني مابقتش صغير.

انتبه له و هو يعبث بشئ ما في يده و قرر التدخل قفز من مخضعه مقتربا الي ابيه و عينه على ما في يده.
بابا اية ده!
ابتسم له والده و اجابه.
دي طبنجة الماني نوع جديد.
دي حلوة اوي.
ماشي يا لمض قولي صليت النهارده.
هاه اه صليت الظهر.
طب اتفضل اطلع خد شاور و غير هدومك عشان نصلي العصر سوي و بعد كدة نبقي نتغدى.
تذكر حديثه معهم قبل أن يرحلو و عليه الان ان يخبر والده حتى يأذن له.
ماشي بس علي فكرة انا كنت عايز ااا.
لم يرتاب كثيرا في أمره فهو يعلم أن بداخله شئ ما يدثره ٠
عايز ايه ما تتكلم علطول.
هاه لاء مافيش خلاص انا هاطلع اوضتي.
تحير والده في أمره منذ متى و هو يخبئ عنه شئ فأوقفه.
جاسر استني هنا.
وقف امام الباب و لم يلتفت له ليسأله اباه و هو ضامم حاجبيه.
من امتي و انت لما بتعوذ تقول حاجه بتردد انك تقولها ليا.
الټفت اليه و هو رأسه منحنية للأسفل.
عشان عارف انك مش هتوافق و مش عايز اكدب عليك.
و ليه دا كله ما تتكلم علطول.
بصراحة في حفلة معموله هنا في مول جنبنا جاي فيها مطربين حلوين اوي يا بابا و ساندي و حازم هايروحو و انا كنت عايز اروح معاهم.
امممممم حفلة و مطربين طب و ليه فكرت اني ممكن ارفض.
لمعت عين ذلك الشاب الصغير بالحب لأبيه
بجد يعني حضرتك مش رافض اني...
انا لسة موافقتش انا بسألك.
جلس الصغير و هو يفقد الامل و يخرج انفاسه بدون صبر.
خلاص يا بابا انا اصلا كنت متأكد انك هترفض و تقولي بقي قال الله و قال الرسول.
صمت الاب الذي تفاجئ بجملة ولده لكنه يجب ان يحتويه لأنه في مرحلة المراهقة.
و قبل ان يجيبه بالرد تذكر تلك الجملة التي هتف بها لها في يوم ما.
انتي هاتعملي فيها رابعة العدوية و لا اية
ابتسم بل كاد ان يضحك و لاحظه صغيره متعجبا!
بتضحك علي ايه يا بابا!
هاه و لا حاجه حبيبي بس انا مش هارفض زي ما انت فاكر و هاسيبك تروح مع ساندي و حازم.
زي ما قولتلك انت بقيت شاب دلوقتي صحيح شاب صغير بس احنا اصحاب و الصحاب مش بيخبو حاجه عن بعض.
روح يا جاسر بس لو معاجبكش الجو هناك تيجي علطول.
فرح الصغير بداخله و ظهرت فرحته على وجهه بتلك الابتسامة التي انارته.
حاضر يا بابا متشكر اوي.
سريعا ما تركه و ذهب الي غرفته ليخبر صديقته..
امسك هاتفه و طلبها و هو يضحك لتجيبه هي سائلة.
ايه عملت ايه اوعي تقول انه مش موافق.
ضحك على تسرعها و نفى ما تقوله.
لا يا ساندي تصدقي وافق.
بجد يا جاسر معقول وافق اننا نروح....
قبل أن تكمل اخرسها هاتفيا.
اسكتي يخربيتك لاء طبعا انا قولتله اننا هانروح حفلة معموله في مول هنا و