رواية ملحمةالروسي بقلمي/ميادةمأمون

ابويا
دي اول مرة تمد ايدك عليا.
افلتت منه ضحكة ساخرة و انحني بجزعه عليه و هو يستند بيده على درابزين الدرج.
ليه انت فاكر عشان كبرت هاتكبر عليا فوق لنفسك ياض اذا كنت انت جاسر الجبالي فأنا ابقي الصقر الي جاب الجاسر ده.
هههههههههه صقر الجبالي صحيح ازاي انسي نفسي ادامك بس و ليه لاء مانا ابنك و بيقولو عليا نسخة منك في كل حاجه.
طب ما زي ما خلتني جزء من حياتك بعد التوبة ما تسيبني اشوف اللي انت شوفته قبلها.
لم يتفهم علي ما يقوله و نظر له بعين تكاد تحرقه امسكه بين يديه و اوقفه بهدوء.
انت تقصد ايه ياض انت بكلامك ده.
علم انه حرك هذا المارد و لن يتركه الا اذا هتف له فقرر ان يتراجع و هو يواري عينه منه.
ماقصدتش حاجه خلاص فكك مني بقى.
كاد ان يصعد من امامه الا انه اجتذبه و اوقفه امامه مره ثانية و هو يزجره بشدة و يضرب بيده علي كتفه.
ايه هاتستعيل تاني مش قولت انك راجل خليك راجل للأخر و انطق جبت الكلام ده منين و تقصد ايه بيه.
كفايه بقي معيشني طول عمري علي الوعظ و الارشاد و انت في شبابك كنت مقضيها سهر و سكر و نسوان.
تركه من بين يديه و ألتفت الي اقرب مقعد و جلس عليه و جلس الاخر علي الدرج و اكمل.
زعلت ليه عشان بقولك حقيقتك يا رجل دانت طول السنة اللي اتجوزت امي فيها كانت بتنصحك تبطل شرب و تتقي الله فيها.
بس للأسف مافتكرتهوش الا بعد ما ماټت.
بهدوء تام اجابه.
مازن هو اللي حكالك مش كدة.
انا طالع انام و يكون في علمك انا هاسافر بكرة الواحة لحد النتيجة ما تطلع و بعد كدة هاشوف انا هاعمل ايه.
صاح الصقر بصوت جاهور.
لاء يابن چانااااااا.
انا هنا اللي بقرر تعمل اية و ماتعملش ايه و رحمة امك لو ما قعدت و اتكلمت معايا عدل لتشوف ڠضب صقر الجبالي علي حق.
انطق يلاااا قالك ايه.
جلس امامه و هتف.
ماشي هقولك فاكر لما روحت معاهم الساحل الصيف اللي فات و انت جيت لينا يوم هناك.
فلاش باك
حمدلله علي السلامة يا بمبو.
الله يسلمك يا شق انت لوحدك و لا ايه اومال فين بقيت الناس.
اميرة مع الشغالة في المطبخ بيحضرو الغدا و الولاد في البسين تعالي نروح نقعد هناك.
جلسوا حول الطاولة و هو يراهم الثلاثة في حوض السباحة و هذا ما أغضبه جدا و بدأ يلفت نظر صديقة الي ڠضبة هذا.
مازن انا مش عاجبني قرب العيال لبعض اوي كدة خلي بالك من بنتك شوية ساندي كبرت و جاسر مش شقيقها زي حازم عشان تنزل معاه البسين بالمايوه.
ماتحبكهاش اوي كدة يا صقر العيال لسة صغيرين و طول عمرهم متربيين مع بعض.
ايوا ماقولتش حاجه و عارف انهم يعتبروا اخوات بس هما في سن انت عارفه كويس المهم انا عايز ارتاح شوية لحد الغدا ما يخلص.
ماشي تعالي نام فوق.
صعد الي الأعلى معه و ادخله غرفة ابنه ثم نزل اليهم.
خرجوا من حوض السباحة و هم يمرحون سويا ليهتف لهم.
غيرو هدومكم دي بقي وتعالو اقعدوا بدل ما الحج صقر ينزل يديكم درس في أمور الدين دلوقتي.
جرت ساندي و حازم للداخل بينما جلس جاسر معه و هو يجفف جسده بالمنشفة.
ليه هو ماله جاي زعلان و لا ايه.
لا هو زعل لما شافكو في المايه مع بعض بيقول انكم كبرتو مش مقتنع انكم اخوات.
ههههههههههه و لا عمره هايقتنع ابويا
هايفضل طول عمره مقفل مش زيك انت خالص يا شق.
بس يا واد انا شق ابوك و بس لكن و الله ابدا ابوك في شبابه ماكنش كدة خالص.
ماتغيرش كدة الا بعد ما چانا الله يرحمها راحت مننا يمكن حتي السنة اللي اتجوزها فيها الكاس ماكنش بيفارق ايده.
نظر اليه بسخريه و اذنه تكاد لا تصدق ما تسمعه.
ايه! انت بتقول ايه مين ده اللي الكاس ما كانش بيفارق ايده
ابويا الحج صقر الجبالي!! ده محججني انا و انا عندي سنه ده تقريبا كل يوم بيقيم الليل.
كل ده حصل لما چانا راحت منه ابوك قبل ما يعرف چانا كان كل ليلة من واحدة لواحدة
انا و هو كنا مقضينها بصراحه ماتهديناش الا لما اتجوزنا چانا و اميره.
بس بعد مۏتها حس ان ربنا بيعاقبه حاولت كتير افهمو ان ده عمرها و قضاء ربنا بس هو لحد دلوقتي بيقولها انا ربنا عاقبني ببعدي عن چانا.
باك
بهدوء تام نظر اليه و همس.
يعني سيبت كل اللي حكاه ليك عن امك و انها كانت عايزه تصلح حالي و ان حالي مانصلحش الا بعد ما ندمت علي بعدها.
عايز بس تجرب اللي خبيته عنك ما هو اكيد لو كان حاجة تشرف ماكنتش خبيته.
انا مش عايز اجرب حاجه انت فاهم غلط.
شششششش اطلع علي اوضتك مش عايز اسمع منك و لا كلمة تاني و لو شايف اني خنأك اوي كده يبقي تروح الواحه فعلا من بكره.
و حتي بعد نتيجة الثانوية ما تبان انت هتقضي فترة دراستك في اي جامعة تختارها بس خارج مصر كلها. 
ولجت اليه مشټعلة من الڠضب ثائرة من طريقته ألفاظه التي تحدث معها بها و ما زادها جنونا أيضا اغلاقه الهاتف في وجهها.
ممكن افهم إيه الطریقه اللي حضرتك كلمتني بيها دي انت بتقفل الموبايل في وشي يا مازن.
بمنتهى السخرية اجابها و هو جالس واضعا قدم فوق الاخري.
تؤتؤتؤ ماليش حق و الله دانا نوتي اوي ازاي اعمل كدة ازاي اقلق راحتك و ازعجك و اخليكي تسيبي اصحابك و تيجي من النادي بالطريقة دي يا اميرة هانم.