رواية ملحمة الروسي بقلمي ميادة مأمون الفصل السابع

الفصل السابع
أنعم و اكرم
اخرس يا هشام و بطل تتكلم زي الحاجه امك شوية بقى انا طالع اجيب ليه حاجه يلبسها و انت اتأخر شويه علي بال ما انزله
هههههههه كمان بتجيب سيرة امي ماشي ياض يا ابن صاحب الشغل
اتنيل صاحب الشغل نفخني انا و انت و ماقدرتش تفتح بوؤك ادامه
توقفوا الاثنان عندما وجدو تلك الطائشة و هي تسحبها خارج الغرفة و تصيح
ادامي يا ختي عامللي فيها خضره الشريفة و انت شكلك اصلا من بنات ال
لېصرخ الجاسر مخرسها
ساندي ايه اللي انتي بتعمليه ده
بعمل ايه يعني يا روسي هي اللي زي دي هاتكون ايه غير كده
ممكن ماتتدخليش في اللي مالكيش فيه اتفضلي ادخلي اوضتك يلا

لاء مش هادخل و مش هاسيبها الا لما تخرج بره الواحة كلها مش ناقص غير الاشكال دي كمان تضايفها في بيتك يا سي روسي
جذب شعره للخلف بقوه و هو يصيح فيها مزمجرا
يا الله منك و من لسانك قولتلك ادخلي اوضتك بقى
قبل ان تتحدث مره ثانية اوقفها هشام بيده
ساندي صقر باشا طالبها في مكتبه من فضلك بقي سيبيها و انا بنفسي هانزلها ليه
التوي ثغرها جانبا بسخريه
بجد زي ما جابتها لأبنه كده يا هشام
استشاط جاسر غيظا منها
لاء كدة كتير اوي بقي شكلك كده هاترجعي القاهرة تاني النهاردة
انت بتزعقلي يا جاسر عشان دي
كفاية بقي اتفضلي ادخلي اوضتك و ماتكتريش في الكلام
اخيرا ما ذهبت و تركتهم وسط شهقات و دموع تلك المصډومة من اتهام الجميع لها
حزن من أجلها كاد ان يقترب منها يريد أن يحتضنها بشدة الان حتى يخفيها عن أعين الجميع و يطمئنها لكنه بالطبع لم يقوي على فعل هذا فأردف بقلة حيلة
انا اسف اوي يا مليكة علي اللي حصل
نفت اسفه مردفة
انا اللي اسفة اني حطيت نفسي و حطيتكو معايا في الموقف ده
مافيش موقف و لا حاجه كل الحكاية سوء تفاهم و صدقيني هايتحل خلاص
من فضلك يا جاسر عايزة امشي سيبوني امشي
ليتدخل هشام موضحا
و هاتمشي تروحي فين مانتي لو تتكلمي و تقولي اي حاجه كنا سيبناكي
احنت رأسها امام ذلك الضخم و انهمرت دموعها مره ثانية ليستمعوا الي صياحه من الأسفل
هاستناكو كتير يا بيه انت و هو و لا اشغلكم اللمبة الحمرا لو مانزلتوش دلوقتي و ديني لكون طالع ضربكم پالنار كلكم
زجه هشام امامها ليحثه على الركض داخل غرفته
يا نهار اسود اخلص يا جاسر و ادخل هاتله قميص و لا حاجة يلاااا
جري الاخر علي غرفته جلب له قميصا نظيفا و سبقهم اليه سريعا
اخذه منه پغضب و وقف يرتديه في هول الڤيلا و هو يراها تنزل خلف الاخر مرتدية نقابها و دموعها تبلل وشاح وجهها
صامت لم يتحدث الجميع يهابه لمجرد وقفته هذه و اخيرا ما تحرك الي غرفة مكتبه صائحا
هشام هاتلي البت دي و تعالي
دلف بها اليه و هو معطيه ظهره يقف امام مكتبه كعادته
لكنه تفاجئ بدخول ابنه من خلفه و اندهش حين صړخ ابيه
اطلعو بره انتو الاتنين و اقفلوا الباب وراكو
بصوت هامس اردف الجاسر
لاء مش هاسيبها 
بوجه لا يبشر ابدا بأي خير و قبضة قوية قڈف تلك المنفضة علي زجاج النافذة ليخرج شحنة غضبه بها و هو ېصرخ فيه
اطلع برة يا جاسر قبل ما اهينك و اخرج عن شعوري
لاء و علي ايه يا باشا احنا خرجنا خلاص
أخذه هشام و خرج من امام ذلك التنين الثائر و اغلقوا الباب من خلفهم
بصوت امر استمعته جيدا امرها ان تجلس امام مكتبه و هو يلف من