رواية ملحمةالروسي بقلمي/ميادةمأمون

الفصل الثالث
شعر بخطئه و ربما بتلك الغصة التي تملكت قلب والده.
انا مش عايز اجرب حاجه انت فاهم غلط.
شششششش اطلع علي اوضتك مش عايز اسمع منك و لا كلمة تاني و لو شايف اني خنأك اوي كده يبقي تروح الواحه فعلا من بكره.
و حتي بعد نتيجة الثانوية ما تبان انت هتقضي فترة دراستك في اي جامعة تختارها بس خارج مصر كلها.
ولجت اليه مشټعلة من الڠضب ثائرة من طريقة ألفاظه التي تحدث معها بها و ما زادها جنونا أيضا اغلاقه الهاتف في وجهها.
ممكن افهم إيه الطریقه اللي حضرتك كلمتني بيها دي انت بتقفل الموبايل في وشي يا مازن.
بمنتهى السخرية اجابها و هو جالس واضعا قدم فوق الاخري.

تؤتؤتؤ ماليش حق و الله دانا نوتي اوي ازاي اعمل كدة ازاي اقلق راحتك و ازعجك و اخليكي تسيبي اصحابك و تيجي من النادي بالطريقة دي يا اميرة هانم.
بطل اسلوبك المستفز ده و فهمني حصل ايه لده كله.
هب واقفا من مجلسه يواجهها بنفس الڠضب.
ما هو حضرتك لو كنتي قريبة من ولادك شويه كنتي عرفتي هما رايحين فين و مكانش حصل ده كله.
اسدلت أهدبها مره تلو الاخري.
لاء طبعا كنت عارفة كانو في مول.... زي ما قولتلك.
ضحك ملئ فمه باستهزاء منها.
مول! طب و النبي تسكتي صقر جايب بنتك هي و اخوها يا هانم من night club.
اندهشت و انفرج ثغرها على ما اردف به.
ايه الكلام الفارغ ده ولادي مايعرفوش الاماكن دي هايروحوها ازاي.
زجها من أمامه و جلس مرة أخرى بلا مبلاة.
انتي بتسأليني انا ماتروحي تشوفي ولادك و تخلي بالك منهم شوية.
خلاص اسكت و وطي صوتك ده شويه بقى انا هاطلع ليهم و اشوفهم اكيد ده كان اقتراح جاسر هما هايعرفو الاماكن دي منين يعني.
اطلعي يا ختي اطلعي و ارمي اخطاء ولادك علي جاسر طبعا ما هو مش ابنك عيب عليكي يا مدام ده انتي اللي مربياه مع ولادك.
نظرت له نظرة ڠضب و تركته و صعدت الي الأعلى.
اما ذلك الشاب العنيد فكانت فاجعته اكبر بكثير.
جلس في غرفته بكل ڠضب و الدموع تلمع في عينه.
يعلم اباه جيدا لن يتراجع عن ذلك القرار الذي أخذه.
هذه عادته منذ صغره عندما يخطأ يبعتد عنه و يتركه وحده.
و لكن مع من يتركه الان من كان يذهب و يجلس معها هناك قد رحلت عن العالم بأكمله.
عليه اذا ان يتعود ان يكون وحيدا لن يرضخ اليه او يتراجاه اذا كان يريده ان يصبح رجلا فسوف يريه انه بالفعل رجل يقوي على تحمل المسئولية.
ولجت اليه تحثه على التحدث و عدم كتم مشاعره.
جاسر يا حبيبي رد عليا يا بني.
كان هذا نداء تلك السيدة الحنونة التي تحملت مسؤوليته منذ ۏفاة جدته.
جفف دمعه هاربه من عينه بأبهامه قبل أن تسقط على وجنته و تراها.
نعم يا دادة سيده عايزه حاجه.
انا بقالي كتير بكلمك و انت و لا انت سامعني قوم يا حبيبي اغسل وشك و انزل اتعشي مع باباك و اعتذرله.
انتفض أثر تلك الكلمة و التف بجسده إليها صائحا.
اعتذرله! كان ممكن ده يحصل لو مكانش صقر باشا مد ايده عليا ابويا اول مرة يضربني يا داده.
اومئت له محاوله تهدئته موضحه له غلطه.
انت غلط بردو يا جاسر.
نفض يده بلا مبلاة ضاجرا من طيبتها المعهودة.
و النبي يا داده ابوس ايدك انا مش ناقص
عارف اني غلط بس حتي اعتذاري مش هيجيب نتيجة خلاص الباشا اصدر قرار بالبعد
و المرة دي ساعدته ناوي ينفيني كتير اوي بعيد