رواية ملحمةالروسي بقلمي/ميادةمأمون

انك غلط فامتحاولش ترمي غلطك عليا.
ماشي يا سيدي متشكر اوي انك نبهتني لده خليك بقي في شغلك و راقبني كويس عشان لما صقر باشا يطلب تقرير عني تبلغه بكل حاجة.
يا عم اهدي بقى هو عمل ايه يعني ماهو سابك تروح الواحه لوحدك تنبسط و تهيص براحتك و هناك ماحدش شايف انت بتعمل ايه.
ضم حاجبيه بعدم فهم و نظر له.
قصدك ايه.
قصدي ايه يا بني دي واحة الروسي عارف يعني ايه يعني فسح و سهر و سياح من كل دول العالم بنات جمالها علي كل الأشكال و انت سايب كل ده و رايح تسهر في مكان قريب من ابوك.
لمعت عين الاخر بمكر و الټفت اليه.
عايز توقعني معاه تاني و لا ايه.
اوقعك ليه هو مين بيشتغل عند مين مانت سهل اوي تطردني دانت لو فتحت باب الطيارة دي و رمتني منها ماحدش هيقولك انت بتعمل ايه.
هههههههههه هشام انت حقود اوي.
حقود ايه دانتو حيتان يا ابا و انا اجي ايه فيكو انا بس عايز افهمك الدنيا ماشية ازاي.
ماشي قول يا فيلسوف عصرك.
ماشي هقولك افهم بقي البوقين دول كويس ابوك راجل زي الجنيه الدهب حلو.
حلو
متدين و ما يحبش الغلط تمام.
تمام
طب و احنا ليه بقي نزعله كل شوية ما نقول نعم و حاضر و طيب و نسمع الكلام احسن بعدين بابي يمنع عننا الكاشات.
و لما فرصه زي دي تجيلنا لحد عندنا يبقي ايه.
ايه يا ناصح.
يبقي نقضيها بقي براحتنا يا فتك هههههههههه.
جلس داخل مكتبه في الجبالي جروب و بدء يباشر اعماله و كل تفكيره ينصب في شخص واحد و لكن قطع تفكيره كالعادة صديقه الوحيد.
اللي واخد عقلك يا بمبو.
اه هيكون مين يعني يا شق غير ابن چانا اللي بدء يكبر و يتعب قلبي معاه.
عملت معاه ايه.
ضړبته و النهارده سافر الواحه.
سيبته يسافر لوحده يا صقر
لاء مش لوحده بعت معاه هشام و بعدين انت خاېف عليه اوي كده ليه هو مش كبر و بقي يعرف يروح كباريهات سيبه بقي يعتمد علي نفسه.
انت مش واخد بالك انت بعته فين و لا انت بتفكر ازاي انت بعته منتجع سياحي يا صقر يعني فيه كل حاجه.
عارف يا مازن و لا انت فاكرني كبرت و خرفت.
ماقولتش كده بس هو كده هتبقي كل حاجه أدام عينه و مافيش حد هناك هيبقي رقيب عليه.
ابتسم بسخرية و نظر لصديقه.
ابن صقر الجبالي مش محتاج رقيب عليه لو كل اللي انت بتقول عليه ده جذبه و اتشد ليه يبقي انا ماعرفتش اربيه.
اما عند اميرة و أولادها.
كانت ساندي تجلس علي الاريكة بغرفة اخيها النائم علي الفراش واضع علي رأسه الوسادة غير مبالي بها.
اف بقي انا مش فاهمة هو موبايله مقفول لحد دلوقتي ليه.
رفع رأسه من تحت الوسادة و الټفت اليها پغضب.
تلاقيه زهق من زنك قفل التليفون عشان يخلص منك و يعرف ينام عقبال ما اخلص منك و اعرف انام انا كمان.
احترم نفسك و انت بتتكلم معايا يا حازم انت فاهم و لا لاء.
لاء مش فاهم يا ساندي و لما انتي زعلانه مني كده ماتروحي اوضتك و تسيبيني في حالي.
دلفت عليهم والدتهم و هم يتشاجرون سويا.
الله الله لاء بجد انا منبهره بيكم مشاء الله عليكم بتتخانقو و عايشين حياتكم و لا كأنكم عاملين مصېبه.
لتهتف ابنتها بسخريه.
مامي و النبي بلاش اڤورة انتي كمان بلا مصېبه بلا بتاع.
تفاجئت الأخرى بردها هذا و جحظت عيناها.
يا برودك! انتي ايه يا بت انتي عايزه تجنيني.
ليهتف