رواية ملحمةالروسي الفصل الثامن بقلم ميادةمأمون

و الحنان.
شمس قومي كملي نوم يا بنتي انا مش فاهم منك حاجه و انتي عماله تتوبي كده.
اه ياني لاء خلاص يا حاج و الله انا بس هاشرب كوباية اللبن الدفيه دي من ايد الحاجة و افوق علطول.
ههههههههه يوه جاتك ايه يا شمس يا بنتي الناس تشرب اللبن تنام و انتي تشربيه و تفوقي.
والله عندك حق يا ماما انا مش عارفه ايه اللي انا فيه ده
المهم فاكرين الحوار اللي قولتلكم عليه الصبح.
حوار البنت اللي هربت من المستشفى اه ماله
الله ينور عليك يا حج اهي البنت دي لقوها و طلعت ملاهاش اهل هنا عشان كده هربت مننا و خاڤت من الشرطه.
يا عيني يا بنتي طب يعني هي ملهاش حد خالص تقعد عنده يا شمس.
لاء يا ماما ملهاش حد للاسف اللي لقوها اتنين شباب و مافيش عندهم بنات و مايقدروش يقعدوها عندهم.
عشان كده اتصلو بيا يعني و طلبوا مني اني استضيفها عندي لحد ما يوفرو ليها مكان يعني بس انا قولتلهم لازم اخد رأيكم الاول.
اتصلي بيهم يا شمس و خليهم يجيبوها يا بنتي ربنا يستر عرضك انتي و كل البنات.
حبيبتي يا امي ربنا يخليكي ليا طب و انت يا حج رأيك ايه.
و الله يا بنتي مانا عارف اقولك ايه انا خاېف الموضوع ده يكون فيه اذيه ليكي انتي.
و في نفس الوقت البنت دي صعبانه عليا.
يا خبر دول وصلو و بيتصلو عليا مش عارفه اقولهم ايه بس طبعا حضرتك لو مش موافق هابلغهم و هما يتصرفوا بقى.
استني بس قبل ما تردي خليهم يطلعو هنا نقعد و نتكلم سوي و اللي فيه الخير يقدمه ربنا
حاضر يا بابا.
الو ايوه يا استاذ هشام.
الله ايه حكاية استاذ دي احنا مش قولنا نرفع الالقاب انتي كمان المهم عملتي ايه.
بابا بيقول لحضرتك ممكن تتفضلوا تطلعو و تتكلمو معاه شويه و اللي فيه الخير يقدمه ربنا
هههههههه انتي قاعده قدام بابا اه كده فهمت بس علي فكره انا مش جاي المرة دي و ناوي علي خطوبه اوعي تكوني بتدبسيني.
نعمممممممم.
هههههههه حمدلله علي السلامة.
نظرت الي ابيها ببلاهه و تنحنحت و أكملت و هي تصق اسنانها بعضهم.
احم طب اتفضل حضرتك اطلع انت و اللي معاك.
اوك يا دوك طالعين.
استشاطت غيظا منه و اغلقت الهاتف و جلست بجوار والدتها و النوم يسيطير عليها بالكامل الي ان دقو الباب و ذهبت لتفتح لهم.
السلام عليكم.
ادخلو.
ادخلو بقي دي طريقه واحده دكتوره تقابل بيها ضيوفها بردو
بقولك ايه يا جدع انت لو سمحت ملاكش دعوه بيا نهائي و ياريت ماتوجهش ليا كلام خالص انتو جاين في مهمة محدده يا ريت تتلاشاني لحد ما تخلص.
لاء و علي ايه لو وجودنا مش مرحب بيه احنا ممكن نمشي.
ما تمشي يا اخي انت شايفني ماسكه فيك هاه هاه.
في حاجه يا شمس واقفه علي الباب كده ليه مش تدخلي الضيوف.
الحج محمد عبد الراضي ابويا.
احنو رؤوسهم بكل أدب و مد والدها يده لهشام بالسلام.
اهلا و سهلا يا ابني اتفضلوا ادخلو واقفين ليه
اهلا بيك يا حج و الله احنا اسفين اوي اذا كنا يعني طبينا عليكم كده فجاءه.
عيب ماتقولش كده داحنا كلنا ولاد بلد واحده و ان ماشيلتكوش الارض نشيلكم فوق راسنا اسم الكريم ايه بقى.
انا الرائد هشام الراعي يا حج.
كان يعرف نفسه له و هو ينظر في عين ذات النقاب الأسود التي انتبهت جيدا لما قاله بل اړتعبت و ارتدت خطوة الي الخلف ليكمل و هو يبتسم.
ظابط سابق