رواية ملحمةالروسي بقلمي/ميادةمأمون

هي تلك الفتاه الجميله التي رأها في فراشه.
ارتد بالنظر الي زوجته مرة ثانيه و هتف.
ده مش جاسر يا چانا دي مليكة.
اقتربت منه ولفت يدها حول خصره و شبت علي اطراف اصابعها لتقبله في وجنته.
عشان خاطري خلي بالك يا صقر قبلته في وجنته و احتضنها هو جيدا لبضع دقائق.
ياه وحشني حضنك اوي يا حبيبتي.
حلت وثاق يدها من حوله و هي تبتعد عنه و تبتسم ليفزع عندما رفعت وجهها له.
انتي مين انتي مش چانا فين چانا فين مراتي.
انا جنه يا صقر.
دق باب مكتبه و دلف اليه و بيده صينية موضوع عليها كوب القهوة السادة المعتاد.
انا قولت اجيب لحضرتك القهوه اللي طلبتها بنفسي.
اخيرا ظهرت كنت فين كل ده.
خير يا باشا مزاج سعادتك مش رايق كل دي سجاير حضرتك شربتها.
اخلص يا هشام كنت فين.
روحت لشمس زي ماقولت لسعادتك.
ايوه ايوه معلش نسيت هاه عملت معها ايه.
هاتخدلي معاد مع والدها و تبلغني بيه طبعا حضرتك وعدتني.
ماتقلقش هاجي معاك انا اصلا لسه عايز اقعد مع البنت دي مره كمان نبهت علي الدكتورة بتاعتك و عرفتها.
ايوه عرفتها كل حاجة و ربنا يستر بقى.
ماشي يا عريس اما نشوف ماجيباك هتأثر علي شغلك بالسلب و لا بالأيجاب.
اوبا و جول و جول و جول يا معلم يا معلم يا حازم يا معلم راحت عليك يا روسي باشا و كسبتك يا برنس.
القي بذراع البلاي ستيشن من يده بملل.
طب يا خويا مبروك عليك.
طب ايه مش هتكمل.
لاء تعالي انتي يا ساندي العبي معاه.
قفذت بجواره علي الاريكة و جلست علي ركبتيها و امسكته من اذنه.
بقولك ايه بقي يا واد يا روسي ما هو يا تفوق معانا كده يأما هنزل فيك ضړب انا و الواد زومه ده مش كده يا واد يا زومه.
كده يا رايسة.
يوووووه بطلي غلاسة بقى ماحنا من الصبح واحنا عمالين نلعب و نركب خيل و نعوم عايزه ايه تاني بس.
اقتربت منه اكثر و جلست بجواره و هي تضع يداها علي كتفه.
مالك يا روسي هو انت زعلان عشان احنا جينا ليك هنا.
القاها علي الاريكه فجأه عندما وقف و هو غاضب و بصوت عالي قال....
قولتلك مش زعلان انا مبسوط يا ستي و ربنا مبسوط اغنيها ليكي يعني.
مالك بتزعق كده ليه فيها.
انفزعوا جميعا عندما وجدوه يقف خلفهم.
مافيش حاجه يا بابا احنا بنتكلم عادي مش كده يا ساندي.
اه اه كده يا انكل عادي يا عني.
طب يلا اطلعو ناموا شويه انتو طول النهار بره و الوقت اتأخر اوي.
لاء احنا قاعدين شويه مافيش ورانا حاجه هنام ليه دلوقتي.
معلش اطلعو بردو ارتاحو و ابقو ابدؤو يومكم بدري احسن و الكلام ليك علي فكره يا حازم باشا.
القي بذراع البلاي ستيشن و انتبه لما يقوله.
هاه اه طبعا يا انكل اصلا انا نمت خلاص و اذا به يجري من امامه الي الأعلى.
نظر للاخري ليجدها مازلت واقفه فابتسم لها.
اقول لحضرتك حاجه انا أصلا وصلت السرير بتاعي.
و اذا بالثالث يهمس لنفسه جبانة انتي و اخوكي.
و حضرتك.
يا بابا مش جايلي نوم.
يبقي تعالي ورايا.
دلفو سوايا مره اخري غرفة مكتبه و اغلق جاسر الباب من خلفه.
خير يا بابا فيه ايه تاني.
اقعد يا جاسر انا عايز اتكلم معاك.
جلس بجانبه و امسك يده و قبلها.
بابا و حياتي عندك بلاش موضوع السفر بره و بعدي عنك ده و رحمة ماما چانا يا بابا بلاش الموضوع ده.
اول مره تحلفني برحمة مامتك يا روسي.
عشان عارف ان هي الوحيده اللي هاتخليك ترجع عن قرارك