رواية ملحمةالروسي بقلمي/ميادةمأمون

يا باشا طب و مليكة
مالها مليكة ما هي هتسافر معاهم زي ما قولت لجاسر.
مليكة لازم تفضل هنا لأنها عارفة المكان اللي هربت منه و هي اللي هتوصلنا ليهم من غير ما يحسو.
انت شايف كده اوك ماشي نخليها بس ماتقولش كده لجاسر عشان مايعندش و يقول مش هايسافر هو كمان.
اومراك طبعا.
انها الخامسة صباحا وقف امام ذلك المشفي ينتظرها لحين خروجها الي ان رأها.
صباح الخير يا قلبي.
نعم ممكن اعرف انت بتعمل ايه هنا.
شمس من فضلك انا خطبتك مخصوص عشان ترمي الوش الخشب اللي انتي مصدراه ليا ده و توريني بقي الشمس لما تدلع.
هشام و بعدين معاك.
قلب هشام و الله اركبي يلا عشان اوصلك و مبروك يا قلبي قرار نقلك.
اوصدت يدها امام صدرها و اتسعت حدقة عيناها اليمني و ارتفع حاجبها پغضب.
اممممممم و عرفت منين بقي حضرتك اني اتنقلت.
الله عيب عليكي يا شموستي هو انا بتاع بليلة.
و اذا بها تشهر اصبعاها امام وجهه بتهجم.
يعني انت اللي عملت كده صح هه.
امسك يدها بين يديه و قبلها و هو يبتسم لها.
انتي زعلانة عشان اتنقلتي القاهره و لا ايه.
هشام انا مش بحب حد يتدخل في شغلي و كنت حابه اني اتنقل بمجهودي مش بالواسطه.
خلاص اوعدك يا حبيبتي دي اول و اخر مرة هاتدخل في شغلك بس كان لازم اعمل عشان تبقي في امان.
امان ايه مش فاهمه.
يا حبيبتي احنا هنبدء نمشط البلد عشان نعرف مكان الارهابين دول و اعملي حسابك انكم بكره هاتسافرو.
كده علطول.
ايوة عندك مانع.
لاء طبعا بس طب و مليكة هانخدها معانا مش كده.
تنهيدة قصيره خرجت من صدره و هو يضغط بيده علي عجلة القيادة.
لاء يا ياحبيبتي مليكة هتفضل معانا هنا.
شهقة مفاجأة تنفست بها و هي تجحظ بخضروتيها له.
هاتقبضو عليها حرام يا هشام دي طيبه و غلبانة.
ضم حاجبيه لها و هو مندهش من ردة فعلها.
نقبض على مين بس انتي بتجيبي الكلام ده منين.
يعني حاجه بالعقل كده ماحنا لو عايزين نقبض عليها كنا قبضنا من الاول يعني يا ناصحه.
اووووه ماتفهمني علطول بقي و تخلص
ياستي احنا هانخليها معانا هنا عشان ترشدنا عن مكان والدتها.
اه قول كده يعني هاترجعها تقعد معايا تاني.
ارجع مين اذا كنت انا هاخدك انتي شخصيا تقعدي معايا اصلا.
خجلت من كلمته و احنت رأسها.
اسكت بقي يا هشام بطل تكسفني كده.
ايوه بقي كده وريني حمار خدودك اللي بيدوخوني دول قلبي يا ناس.
يوه بطل بقي و الله انزل من العربيه.
هههههههه انتي مش واخده بالك و لا اية احنا وصلنا من بدري.
كده برضو يا هشام طب و الله لو ما بطلت تكسفني مش هاكلمك تاني.
لاء بقولك ايه اوعي تحاولي تزعلي مني قبل كتب الكتاب احسن انا نفسي اوي اصالحك.
شهقت في وجهه و فتحت باب السيارة و جرت من امامه.
و الله انت قليل الادب يا هشام.
هههههههههه اشمعني في دي يعني طلعتي بتفهمي يا قلب هشام.
الو ازيك يا مليكة.
مليحة يا جاسر انت كيفك.
انا الحمدلله بابا قالي اتصل بيكي و اقولك تحضري نفسك عشان هاتسافري معانا القاهرة بكره.
مو معقول يا جاسر كيف بتريدني اسافر و اترك امي هون.
ماتخفيش يا مليكة احنا هانسافر و الشرطة هاترجع ليكي مامتك في خلال يومين بابا هو اللي قالي كدة.
ربك يسهل الحال يا جاسر.
انشاء الله يا مليكة التي ماتخافيش من حاجة احنا معاكي و مش هاسيبك.
ميكي انتي فين.
تعي انا هون يا شمس.
الله بتعملي ايه.
مافي شي كنت ارتب الغرفة.
يا بنتي تعبتي نفسك ليه.
ولا تعبت ولا حاجة انا قاعدة