رواية ملحمةالروسي بقلمي/ميادةمأمون

شوفت يا جاسر مليكة هاتحضر هي و مامتها الفرح.
-بجد
فرح لوهله و سرعان ما تذكر غضبه منها وقف من مكانه متجه للخارج و هو يشوح بيديه.
-و انا مالي يعني ما اللي يحضر يحضر.
ضم الصقر حاجبيه و التفتت للأخر.
-فاهم حاجة.
-لاء.
-و لا انا.
-عشان خاطري يا جاسر انا ياض ماتبقاش رخم بقي اقف معايا يا اخي دانا عريس.
-يعني عايزني اعملك ايه يا هشام انت فرحك النهاردة انا ذنبي ايه بتصحيني من عز نومي ليه.
-يا بني بقالي ساعة بتحايل عليك عشان تودي مليكة لشمس انا مش فاضي و ورايا مليون حاجة النهارده
-و انا مالي بيها تروح و لا ماتروحش انا مش سواق عند حد

-يا عم انت سيد الكل بس اقف جنب اخوك النهاردة بس يعني يرضيك اسيب اللي ورايا النهاردة و اروح اوصلها دانا اخوك الكبير بردو يا روسي
-ماشي يا هشام بس يا ريت بقي حضرتك تتفضل تروح تقولها تحضر نفسها لحد ما ألبس و تستناني عند العربية انا مش هاروح لحد.
اندهش لكلامه و لهجته هذه و اوقفه ليفهم ما بهم.
-جاسر هو انت و مليكة زعلانين مع بعض
-و انا مالي و مالها نزعل و لا نفرح ليه يعني
-يا واد عليا انا مش دي مليكة اللي مارديتش تسيبها و دخلت المعركة عشانها.
-اسكت يا هشام انا مش عايز اتكلم في الموضوع ده.
-ماشي انا كمان مش عايز نكد النهاردة و خليك جانبي بقي
-حاضر يا سيدي اتفضل روحلها.
جلس معها بعد ان رحبت به ابنتها و ادخلته و ذهبت لتأتي له بكوب من القهوة
-اهلا يا حضرة الظابط و الف مبروك لفرحك.
-الله يبارك فيكي يا ست جنه طبعا شمس جاتلك و عزمتك علي الفرح و هتنورينا انتي و مليكة النهارده.
-مليكة هاتروح لشمس معاك بس أعفيني انا معلش انت عارف اني عشان اتحرك من مكان لمكان صعب.
-لاء مش عايزك تفكري في الحكايه دي انتي هاتروحي الفرح بأمان و هاترجعي معززه مكرمه
-و انا هافضل كدة بس لحد أمتي يا هشام يا بني
-و الله يا ست جنه احنا بنعمل ده خوفا عليكي لكن انتي مافيش اي حاجه تدينك و لا احنا محتجزينك لسمح الله.
-ربنا يصلح ليك الحال و يوفقك في حياتك إن شاءالله.
-متشكر اوي يلا يا مليكة جهزتي.
-ايوا انا جاهزة بأذنك امي.
-في امان الله حبيبتي خلي بالك منها يا هشام.
الټفت ليخرج من البيت و هي من خلفه لكنها توقفت عندما استمعت له
-ماتخفيش عليها جاسر هايوصلها لعند شمس و هايكون معاهم الحراسة الخاصة
-مين! هو انت مش راح تروح معي لشمس
ابتسم لوالدتها و هو يغلق الباب من خلفهم و يكمل
-معلش يا مليكة اصل انا ورايا مليون حاجه لسة معملتهاش و بعدين انا و جاسر واحد يعني.
-لكن
-لكن ايه مالك هو في حاجة تضايقك ان جاسر يوصلك.
-يعني اصل انا و جاسر مش بنكلم بعض
-اممممممم ليه بقي مش بتكلمو بعض
-يلا يا سيدي و لا اطلع اكمل نومي احسن
نظر الي مصدر الصوت الذي يأتي من جانب السيارة وجده يقف في انتظارهم.
فأشار لها بأن تتقدمه
كادت ان تجلس بالمقعد الخلفي الا انه صړخ في الاخر
-هو انا هابقي سواق الهانم النهاردة و لا ايه يا هشام.
-لاء يا سيدي انا اللي سواق عندكو انتو الاتنين معلش يا مليكة اركبي ادام.
-لاء انا هاركب مع الحرس و خلي البيه يطلع يكمل نومه.
بكل ڠضب اغلق بابه و التف حول السيارة ليقف امامها.
-لاء يا حلوه احنا ماعندناش بنات تركب مع الحرس و اتفضلي اركبي خلينا نخلص من اليوم