رواية سيلا الليل الجزء الثاني بقلم/ميادة مأمون

كنتي اسيا عليا قوي المره دي ماكنتش اتوقع انك ممكن تقوليها وتختاري بعدي عنك
سيلا دلوقتي بقيت انا اللي غلاطنه مش كده
ليل ليه عملتي كده وبعدتي عني
سيلا لما تيجي هاتعرف انا اصلا عندي مفجأة ليك
ليل مفجأة ايه دي
سيلا مش هاقولك الا لما تيجي لتدخل عليها ساره التي فرحت عندما وجدتها تحدثه
ساره بأبتسامه ازيك يا ليل اخيرا أتكلمت
ليل ازيك يا ساره وحشتيني كده سايبها ټعيط
ساره وهي تتصنع الڠضب نعمل ايه بقي اذا كانت مابتعرفش تفرح ولا تضحك غير مع واحد بس
ليلخلاص يا ساره الواحد ده اصلا مش قادر يبعد عنها اكتر من كده انا جاي بكره ان شاء الله
ساره بجد دا جدك هايفرح اوي ربنا يسعدكو انتو الاتنين اظن بقي كده هاتكلي ومش هاتتعبيني يا سيلا
سيلا لاء يا انطي مش هقدر اكل حاجه
ليل سيلا عشان خاطري كلي
سيلا لاء مش عايزه انا اصلا حاسه اني تعابنه وهارجع
ساره معلش هو ف الاول كده بس لازم تاكلي مش هاتصومي قلة الاكل اصلا غلط في الاول كده
ليل ممكن تفهموني في ايه بالظبط
ساره بهدوء ايه ده هوانتي لسه مش قولتيله
سيلا اسكتي يا انطي بوظتي المفجأه
ليل انتو بتقولو ايه فهموني في ايه
سيلا مافيش حاجه ليل انا عندي برد في معدتي سلام بقي وهاستناك بكره اوعي تتأخر
ليل استني يا سيلا ماتقفليش الو الو
اغلقت الهاتف قبل ان ينكشف امرها امامه وتوجهت بالحديث الي ساره
سيلا كده يا انطي اهو زمانه شك دلوقتي وانا مش كنت عايزه اقوله الا لما اتأكد الاول
ساره ههههههه معلش يا قلبي بس ادينا لحقنا نفسنا ومعرفش حاجه يلا بقي عشان تفطري
كان يترجل الي الاسفل بزيه العسكري ذاهب الي عمله ليراهم جالسون في هول القصر لم يعير احد اهتمام متجها
الي الخارج الا ان صوت الجد اوقفه
الجدا لناس بتقول حتي صباح الخير ولو اننا بقينا العصر
امير معلش يا جدي اصلي مستعجل عندي شغل مهم
الجد قبل ماتروح شغلك لازم تفهم ان انا مبقاش عاجبني حالك ولا تصرفاتك دي
امير عادي انا اصلا حالي مبقاش يعجب حد في البيت ده وانا هكون ايه يعني او هاتهتمو بيا ليه ليصيح زياد پغضب.
زياد اظبط يا امير بدل ما اظبطك انا وماتقولش كلام ماحدش هايندم عليه غيرك
امير پغضب اكتر وناوي تظبطني ازاي بقي يا عمي هاتمد ايدك عليا تاني
الجد ايه انت بتقول ايه انت مديت ايدك علي ابن اخوك يا زياد
زياد ايوه يابابا وعندي استعداد اعملها تاني لو ممشيش من قدامي دلوقتي
ليتدخل سامر القادم من الخارج
سامر لاء هو خلاص مشي اصلا تعالي يا امير يلا اخرج معايا
امير سيبني يا سامر اما اشوف ابوك عايز ايه
سامر اطلع بقي بطل اللي بتعمله ده انت ايه اللي جري ليك بس
اخذه خارج القصر ووقف معه بالخارج امام سيارته
امير اوعي سيبني ابوك بينه استحلاها وفاكر اني هافيه عايز يمد ايده عليا تاني
سامر انت ايه اللي جرالك يا بني ادم انت مش واخد بالك انت بتقول ايه وواقف قدام مين
امير هاكون واقف قدام مين يعني ولا عشان بطالب بحقي ابقي غلطان
سامرحق ايه بس اللي انت عايزه واشمعني انت اللي بتدور عليه ماكلنا زي بعض اهو
اميرطبعا مانت ضامن حقك وان المستشفي في الاخر هتبقي بتاعتك
سامرلاء داانت اكيد اټجننت من امتي وانت بتحسبها كده
امير عشان هي ملهاش حسبه تانيه غير دي سلام يا صاحبي
ثم جلس داخل سيارته وقادها للخارج وتركه مندهش مما تفوه به 
وبعد ان رحل سريعا توجهه مره ثانيه للداخل
ليجد والده جالس
امام جده الذي بدي علي وجهه التعب جري عليهم ليركع امام جده
زياد مالك يا بابا قولي بس حاسس بأيه
الجد مافيش انا بس حاسس بشوية صداع
سامر انا هاطلع اجيب جهاز الضغط واقيسو ليك يا جدي وجري من امامه ليتوجه بحديثه الي ابنه
الجد ليه عملت كده يا زياد ايه اللي يخليك تمد ايدك علي ابن اخوك
زياد ماتشغلش بالك انت يا بابا وخليك في صحتك
الجدصحة ايه وزفت ايه اعمل بيها ايه وانا شايف احفادي بيقفو قدام ولادي
زياد اهدي يا بابا وبلاش تتعصب تعالي معايا تطلع اوضتك استريح
وانا هاقولك علي كل حاجه اخذه ليصعدو سويا الي جناحه