رواية ساكن الضريح بقلم /ميادة مأمون

بصراحه كمان من كتر خجلها مش عايزة تخلي حد يقرب ليها.
ابتسم مالك له و هتف
طب اتفضل حضرتك معايا و انا هاعرف اتصرف معاها وانتو بتعملوا ليها الجبيرة.
الدكتور عبد الرحمن بخجل
هي اختك يا دكتور مالك
مالك ناظرا له ضامما حاجبيه
لاء يا دكتور هي خالتي و ام زوجتي. ظهرت ملامح الحزن على ملامح الطبيب الذي احنى رأسه و اردف
متزوجة. 
مالك مبتسما له
ارملة. 
عادت الابتسامه الي وجهه مره اخرى ونظر اليه فرحا 
كده شكلنا هيبقى لينا كلام تاني مع بعض في الموضوع ده يا دكتور.
دلفو إليها ليجدها تبكي متئلمة في صمت. 
مالك رابتا على كتفها امامه 
ايه يا ميمي الجميل زعلان ليه.
وكأنها وجدت طوق نجاتها أمسكت يده متشبثه به
مالك الحقني تعالى شوف الراجل ده عمل في رجلي ايه من ساعة ما عملي الاشاعة وهي قايدة ڼار. 
جحظت عين الدكتور عبد الرحمن ورفع لها حاجبه الأيمن هاتفا 
حرام عليكي يا شيخه هو انا لسة جيت جانبك عشان تتبلي عليا كده. 
ماجدة ضاممه حاجبيها هامسة لمالك 
ايه يا اخويا البلاوي دي. 
مالك بضحك 
هههههه انا عارف يا اختي. 

كلما اقترب من قدمها الممدده أمامه ابعدت يده قبل أن ټلمسها تحاول اخفائها تحت اسدالها پتألم. 

ليهتف الدكتور عبدالرحمن فيها بوجه مغتاظ 
و بعدين معاكي يعني انا كده مش هاعرف اشوف شغلي.
ماجدة پبكاء هادئ 
شغل ايه يا بتاع الجبس انت فاكر نفسك بتشطب شقه ولا ايه. 
رفع حاجبه الأيمن بضجر و يبدو على هذا الطبيب ان رفع الحاجب طبع من طباعه. 
دكتور عبد الرحمن 
بقى الدكتور عبد الرحمن الفولي يتقاله بتشطب شقه يا جبارة. 
همست لنفسها پغضب ظانه انه لا يسمعها 
مغرور اوي. 
سمعتك على فكره.
رمقته بعناد 
لو سمحت ماتقربش مني و هاتلى الدكتور مالك ابن اختي خليه يجبلي دكتورة تعالجني. 
زم شفتيه و ترك اشيائه من يده وجلس على المقعد بجانبها مردفا بلا مبالاه. 
طب تمام خليكي بقى قاعدة ټعيطي بۏجع كده لحد ابن اختك ما يجيلك
وعلى فكرة مافيش دكاترة عظام ستات موجدين دلوقتي.
لم تبالي به و كورت يدها تحت وجنتها تنتظر ابن اختها پألم.
ليهز رأسه نافيا بتفكير 
عنيدة ممكن اسألك سؤال.
نظرت له شرز و اردفت بملل
اتفضل 
انحني للأمام ممسكا بأشيائه مرة اخري 
لو نفرض مثلا انك وقعتي في الشارع بدل البيت و جيه راجل غريب يساعدك ماكنتيش هاتخليه يساعدك وانت بحالتك دي ولا كنتي هاتخلصي نفسك عشان تقدري توقفي على رجلك تاني.
ماجدة وهي تشعر بأن قدمها قد تخدرت من شدة الألم. 
خلاص المعلومة وصلت اتفضل شوف شغلك وخلصني.
ضحكة صاخبة أطلقها ناظرا لها 
انت ليه محسساني انك بتكلمي نقاش مش دكتور عظام خالص. 
علا جانب شفاها العلوية ساخرة 
لاء ازاي دكتور و سيد الدكاتير كمان ماتقولش على نفسك كده بس يا ريت تخلصني بقي.
ضحكته العالية أظهرت وسامته معلقا على كلامها
الدكاتير دي اللي هي جمع دكتور يعني.