رواية ساكن الضريح بقلم /ميادة مأمون

فتح الباب مقبلا عليهم و هو متمسك بيد زوجته الباكية و من خلفهم دلفت والدته. 
جرت شذى لتحتضن والدتها 
يا حبيبتي يا ماما انشالله انا و انت لاء. 
ماجدة محتضنه ابنتها بخجل
بعد الشړ عليكي يا شذى انا كويسه يا حبيبتي و الله حتى اسألي الدكتور قولها حضرتك.
نهى الطبيب عمله و نظر لهم بأبتسامة 
اطمني خالص ماما زي الفل بس انتو حاولو بقى ماتخدوش منها الشيكولاته عشان ماتضطرش تجري وتكسر زي الأزاز كده تاني. 
ضحكو جميعا بينما خجلت هي من مشاكسته  هذه ورمقت مالك پغضب. 
ماجدة ملقية عليه اللوم 

عجبك كده كان لازم تقوله على الشيكولاتة. 
مالك ضاحكا هامسا لها
الله مش انت اللي خطفتيها و جريتي و هو سألني اكدب يعني.
لاء يا اخويا ما تكدبش افضحني انا مع صاحبك
دا زي مايكون ماسك عليا زله يا مالك. 
زجته والدته من جانبها و هو يضحك لتردف لها 
سلامتك يا ماجدة الف سلامة عليكي يا حبيبتي حاسة بأيه دلوقتي. 
ماجدة مطمئنة لها 
انا كويسة يا مجيدة ثم اردفت مداعبة لهم و النبي يا جماعه ما تخوفوني على نفسي و لا تحبو اقوم اجري ليكم تاني يعني. 
فاجئهم الطبيب برده منزعجا منها
لاء مانحبش و يا ريت بقى ترتاحي الواحد و عشرين يوم دول خالص و تحاولي بقدر الإمكان ماتضغطيش على الجبس او تجيبي عليه مايه.
نظرت ماجدة الي ابنتها ثم التفتت إلى شقيقتها و عادت لتجذب مالك من يده لتجبره على الانحناء لها مزمجرة له
مشيني من هنا قبل ما اقوم اخنق الراجل ده.
عادو بها إلى المنزل و الجميع يضحكون معها إلا شذى التي كانت هادئة حزينة ملتصقة بوالدتها.
عاونها مالك على المكوث بغرفتها و ارقدها في فراشها لتتفاجئ بأبنتها تقتسم معها الفراش بعد أن تخلت عن نقابها. 
ماجدة ضاممة حاجبيها بأستهجان
بتعملي ايه يا شذى 
شذى جاذبة الغطاء عليهما 
هنام جانبك انا اصلا مش هاسيبك تاني ابدا. 
ماجدة پغضب 
قومي يا بنت علي اوضتك بلاش دلع
ثم التفتت الي مالك الذي مازال واقفا و اردفت. 
خد مراتك و سيبوني ارتاح يا مالك يلا بقي انا عاوزة انام.
مالك بمحبه
خليها معاكي عشان لو عوزتي حاجه انا كده كده طالع الخلوه
عشان هاقيم الليل. 
ماجدة نافية 
لسه بدري على قيام الليل  ادخلوا ارتاحوا شوية و لما يجي ميعاد قيام الليل تبقى تيجي تنام هنا.
شذى بحزن 
انت بتدوري على راحته هو و سايبة بنتك على العموم ريحي نفسك يا ماما انا مش هاقوم تاني و هافضل لازقة فيكي كده علطول.
ابتسم مالك على ضجر زوجته و قرر تركهم معا 
طب عن اذنكم انا بقى تصبحي على خير يا خالتي و لو حسيتي بتعب او ألم مش قادرة تستحمليه اتصلي بيا وانا هنزلك.
ماجدة ممتنة له بمحبه
تسلملي يا حبيبي انا تعبتك معايا النهاردة. 
ذهب مالك و تظاهرت هي بالنعاس لتلكزها والدتها.
قومي نامي في اوضتك و بطلي دلع يا شذى. 
شذى بوجه عابث 
دلع ايه يا