رفقاً بالقوارير بقلم/ ميادة مأمون
حضرتك نحجز ليها أوضة
انسة مين دي مدام وعد الديب مراتي
بجد اهلا و سهلا بحضرتك سورى يا فندم احنا ماكنش عندنا خبر بحاجة زي دي
فرحت اوي اول ما سمعتني بعلنها صريحة و أكتفت بأنها ترد بابتسامة للموظف اللي كمل كلامه
ممكن بيانات المدام و الاثبات يا قاسم باشا
اه طبعا اتفضل بقولك هو رامي بيه هنا و لا مش موجود
موجود يا فندم لسه طالع اوضته حالا بعد ما مشي عصام بيه هو و واحدة كانت معاه
و كأنها اخدت دش
ماية ساقعه في عز البرد اول ما سمعت اسمه وقفت زي التمثال جسمها متخشب في الأرض
لحظة بس يا فندم هو المدير كان سايب خبر اننا نبلغه اول ما حضرتك توصل
خير في حاجة و لا ايه
و الله يا فندم ماعنديش فكره
طيب انا هارتاح شوية و ابقي اكلمه اطلع بقي و لا في حاجه تاني
يلا يا وعد شدتي لأديها فوقتها و كانت هتوقع
حاسبي هاتقوعي مالك واقفه متخشبة كده
هاه مافيش اني بس اول مرة اجي مكان حلو زي ده
لاء من دلوقتي و لحد ما نرجع
الڤيلا مش عايز اسمع و لا كلمة صعيدي
ليه بقي
عشان انتي اليومين دول هاتتقابلي مع ناس كتير معروفين في البلد
و اكيد هاتتعرفي علي بنتاهم و مرتاتهم مش عايز حد يقولك كلمه تزعلك او مثلا واحدة تفتكرك اقل منهم
يعني كلمته يا رامي و قالك انه خلاص هايبعد عنها
اه و الله يا بنتي خلاص بقي يا دينا خلينا نركز فى فرحنا شوية
طيب ربنا يستر بقي و قاسم مايعرفش حاجة و يتهور عليه
مالك يا دينا خاېفه عليها كدة زي ما تكون اختك
بصراحة يا رامي انا حبيت البنت دي اوي اصلها لسة صغيرة و يتيمة و غلبانة في نفسها
و اللي قاسم عمله فيها مش شوية هي حاكتلي عن معاملته معاها و قسوته عليها
و طبعا لو فهم انها ليها علاقة بالموضوع ده مش بعيد ېقتلها
اه ربنا يهديك يا عصام و تبعد عنها بقى
ياريته يكتفي بالهبله اللي ضحك عليها و ساحبها وراه
هبلة و ضحك عليها قصدك على مين يا رامي
ندي يا دينا ما هي جات معاه و روحت معاه ڤيلته
عشان طماعة و كلبة فلوس اومال انا بقولك ابعدي عنها ليه و علي فكرة سألت عليكي و انا قولتلها انك مش موجوده
بقي بالذمة ده منظر عرسان فرحهم بكره
أيه ده قاسم الديب مش معقول حمدلله علي السلامه جيتو امتي
جينا الصبح و سألت عليك قالولي انك في اوضتك قولت نطلع احنا كمان نرتاح و بعدين بقي ابقي اشوفك
ازيك
انت يا رامي مبروك ليكم يا دينا
يا حبيبتي الله يبارك فيكي انا مبسوطه اوي انك جيتي و كنت هازعل اوي لو الواد ده مش كان جابك معاه
ههههههههه و انا اقدر علي زعل الاوزعة بتاعتنا برضو
يووووة بطل بقي طب ايه رأيك اني هاخدها منك و هاتفضل معايا و مش هاتشوفها الا بكره في الفرح
عشان تبقي تخبي عليا كويس اختك هاه
تاخدي مين يا ماما شيلي ايدك بس كده عن قلبي عشان انا
ماقدرش ابعد عنها اصلا
يا سيدي يا سيدي قاسم الديب اتغير خالص علي ايدك يا وعد
بس برضو لسه ديب يا رامي
هههههههههه بصراحه مع حلاوتك دي ليه حق يبقي اسد مش ديب و بس
لاء بجد تعالي يا وعد عشان اعرفك علي ماما و اختي و مامت رامي كمان
اروح يا قاسم
روحي يا حبيبتي و انا هاروح انا كمان لمدير الفندق انا و رامي اشوفه عايزنا ليه
قوليلي ايه الاخبار
اخبار ايه
اخباركم انتو الاتنين هو عامل معاكي ايه لسه بيعاملك وحش برضو
لاء هو من ساعة ما قرر يعلن جوازنا و هو اتغير معايا خالص
و لما عرف انى مش ناوية اقوله علي الحيوان ده بطل يسألني و بقي هادي
بس يا خۏفي يا دينا ليكون ده هدوء ما قبل العاصفة زي ما بيقولو
مټخافيش رامي خلاص عرف عصام انك مرات قاسم و قاله يبعد عنك خالص
و تفتكرى هايسمع كلامه
طبعا هايسمعه ڠصب عنه و انتي برضو غلطانه يا وعد
كان المفروض انك من اول مرة شوفتيه فيها عند المدرسة تعرفيه انك مرات قاسم مش اخته و توقفيه عند حده
انا فعلا وقفته عند حده بس ماكنتش اقدر اقول حاجة زى دي من غير قاسم ما يقولي
طب علي فكرة بقي الغلط كله من عند قاسم انا اصلا مش فاهمه يعني ايه يخبي حاجة زى دي هو الجواز بيستخبى
و بعدين ما طبيعي يعني اي شاب يشوف جمالك الهادي ده يحاول و يتعرف عليكي
احنا جوازنا ماكنش طبيعي زي مانتي فاكرة و قاسم عمره ما كان هايفكر انه يتجوزني دلوقتي
الا لما جيه السنه اللي فاتت عشان ياخدني من الكفر و اكتشف اني بيجيلي عرسان و كنت هاتجوز من ابن العمدة
واو و طبعا الامير قاسم ثار و حارب عشان يخطف اميرته وعد
انتي شكلك كده بتتريقي عليا
هههههههه لاء و الله دانا بتكلم بجد دا قاسم ده طلع ديب بجد تعالي تعالي
بتعملي ايه يا ندي
ابدا يا عصام بطلع هدومي من الشنطة
طب سيبي الهدوم و تعالي انا عاوزك
و بعد وقت طويل فاقت لوحدها
و نزلت لقته قاعد عادي جدا
قصاد شاشة التلفزيون و فارد رجله علي تربيزة قدامه
اخيرا صحيتي يا ندوش تعالي اتفرجي معايا علي الفيلم ده دا فيلم حلو اوي
نتجوز نتجوز ما تفكك بقي من الحوار الفاكس ده يا ندوش
انت بتقول ايه يعني مش هاتجوزني
اتجوزك انتي يا ندي ليه هو اللي انتي بتخديه مش مكفيكي و لا ايه
بطلي زن في
قعدت مكسوره من كلامه و مانطقتش بكلمة واحدة تاني و دموعها نزلت علي خدها
ايواا انتي تهدي كده و عايزك تفكري كويس في كلامي و في الاخر هاتعرفي اننا احنا الاتنين مالناش غير بعض يا ندوش
يلا بقي يا رامي انت بتعمل ايه كل ده ما تخلص يا اخي عشان تاخد عروستك
عشان اخد عروستي و لا عشان تاخد انت عروستك ما تهدي يا بني في ايه مالك
مالي ايه و نيلة ايه انا مش فاهم يعني هي محتجزة وعد عندها
بتاع ايه صممت تلبس معاها و قولت ماشي ماتسيبهالي بقى
ما انت عارف دينا و تحكمتها يا قاسم لما بتحط دماغها في حاجه لازم تنفذها
و بعدين هو انا العريس و لا انت دا انت احلي مني ياض ماتنعكش شعرك و لا تغير بدلتك دي خليني اظهر انا يا اخى
علي فكرة انا من غير حاجة احلي منك برضو
بقي كدة طب تعالي بقي
يا شباب يلا العروسه جهزت و ابوها طلع يا خدها من اوضتها
يا خبر يلا بينا يا قاسم البت هاتنزل مش هاتلاقيني
هههههههههههه و الله
مچنون
بدء الفرح و نزلت انا و رامي القاعه نستني دينا و هي نازله في ايد بابها عشان يسلمها ليه
دخل عصام و هو ماسك في ايده ندى اللي كانت لابسة فستان قصير اوي
بس برغم كل اللي هي عملاه ده ماعرفش ليه شكلها كان حزين اوي
و لقيته جاي بيها علينا بصيت لرامي و سألته
هي ندي قاعدة مع عصام في ڤيلته يا رامي
اه يا خويا شوفت الخيبة
اه شوفت البت دي عشان الفلوس تعمل اي حاجة
طب اسكت بقي احسن جاين علينا
يا عريس الف مبروك يا حبيبي
الله يبارك فيك يا عصام عقبالك
ربنا يخليك يا حبيبي ازيك يا قاسم
اهلا ازيك يا عصام
انا كويس اوي اوي يا حبيبي مش هاتسلم علي ندي و لا ايه
طب بلاش تعالي انتي يا ندي سلمي علي رامي و قاسم و اعتذري ليه علي اللي حصل بينكم
مبروك يا رامي
الله يبارك فيكي يا ندي عقبالك
ازيك يا قاسم
اهلا
انا اسفة و بعتذر ليك علي اللي حصل
و انا قبلت اعتذارك يا ندي بس اظن انك غلطتي اوي و اتعديتي حدودك مع حد يخصني اوي
حد زي مين الكلام كان بيني و بينك و مكانش في حد معانا
و الكلام اللي قولتيه لوعد هانم مراتي انتي نسيتي غلطتي معاها ازاي و قولتلها ايه
بصتلي پغضب و هي بتقولي
انا مغلطش في حد يا قاسم و مش هاعتذر لحد تاني و اذا كان علي شغلي مش عايزه ارجعه
لاء يا ندي هاتعتذري
التفتت لعصام اللي قالها الكلمتين دول و هو بيبصلها بمكر
لكن يا عصام
لكن ايه احنا قولنا ايه بقى قاسم صاحبنا و مانقدرش نزعلة
حاضر يا عصام
كلامها حسسني اد ايه هي مکسورة و مجبورة تسمعله
بس قولت اصلا هما الاتنين لايقين علي بعض
شايف انكم بقيتو متفاهمين اوي مع بعض عن الاول
و احنا واقفين و في نفس الوقت مزهولين منها و من سلبيتها دي معاه و انها حتي ماحاولتش تصده
يا عم امسك الخشب و قول ربنا يهديها و
ماتقلبش عليا تاني
ربنا يهديكم انتو الاتنين يا عصام
صحيح يا قاسم نسيت أقولك مبروك علي جوازك بس بصراحة انا مستغرب انت ليه كنت مخبي علينا
و الله دي حاجه تخصني لوحدي يا عصام
حقك يا برنس بصراحه تخبيها هي شخصيا وعد دي قمر
نعم بقولك ايه ياض انت اوعي اسم مراتي يجي علي لسانك او حتي بس تفكر
رامي قبل ما اتهور و امد ايدي عليه
اهدي يا قاسم و تعالي معايا دينا نزلت اهه ألحق ده
عمو ماسك ايد وعد كمان
صحيح دينا كانت جميله في فستانها و بهرت كل الناس بجمالها
لكن ملكة
قلبي خطفت عيون الكل بجمالها الطبيعي و فستانها الطويل و الرقيق في نفس الوقت
و اخيرا اخد رامي عروسته من بابها و شاور ليا عشان اتقدم ليه و هو ماسك وعد في ايده و قالي
تعالي خد عروستك في حد يا بني ادم انت يبقي متجوز القمر و الجمال ده كله و مايعملش ليها فرح
انت بخيل يا قاسم و لا ايه
شوفت الدموع لمعت في عنيها و انا كمان من جويا زعلت بس قولت احاول أدارى حزننا
معلش يا عمو احنا ظروفنا مختلفة شوية يعني ماكناش هنلاقي ام او اب يفرحولنا كده
رد عليا والد رامي اللي جيه وقف معانا
اخس عليك يا قاسم و احنا روحنا فين مانتو ولادنا برضو
اه طبعا يا عمو دي حاجة تشرفنا جدا
والد دينا قالي
طب يلا بقي خد عروستك و روحو افرحو مع اصحابكم
اخدتها من ايديها و قعدنا علي تربيزة لوحدنا
قاسم مالك وشك متغير كده
ايه اللي انتي حطاه في وشك ده يا وعد
انا مش حاطة حاجة و الله مافيش غير الروچ بس
و ليه تحطي روچ
الله ما كل البنات حاطة مكياچ كامل اهيه جات عليا انا بقي
وعدددددد انتي مش زي حد و الكلام اللي اقولة يتنفذ و الروچ ده تدخلي الحمام
