رواية ملحمة الروسي بقلمي/ميادةمأمون

تبعد عنه كده تعوضه عن بعدها و تاخده في حضنك يا صقر.
هز رأسه يمينا ويسارا بعلامة النفي.
-مش قادر كل ما احاول اقرب منه اخاڤ و أقول لنفسي يمكن لو قربت منه و اتعلقت بيه يبعد عني زي امه ما بعدت بالظبط.
عنفه اللواء أدهم على تفكيره الغبي.
-ايه الكلام اللي بتقوله ده الاعمار بأيد الله اومال صلاة ايه و دين ايه اللي مابقتش تعرف غيرهم المفروض ان ابنك ده امانه مامته سابته ليك.
تلك الكلمه رنت داخل اذنه سمعها جيدا و فهم على ماذا كانت تشير بها زوجته.
أمانة!
-ايوا يا صقر امانة و ياريت لو بتحب مامته صحيح تحافظ علي الامانة دي.
صمت قليلا يتذكر كلامتها ثم هتف.
-معاك حق يا سيادة اللوا انا لازم احافظ علي الأمانة دي كويس اوي و هاعوضه بأذن الله هو وجدته عن غياب روحي و انا ربنا يلهمني الصبر علي بعدها.
ابتسم له و اتجه بالحديث الي الموضوع الرئيسي الذي اتي من أجله.
-انشاء الله ربنا يصبرك بس كمان لازم بقي تفوق لشغلك و تسيبك من حكاية زيارة المقاپر كل يوم دي.
-سيبها علي ربنا يا سيادة اللوا و ان كان علي الشغل ان شاء الله هبدء افوق نفسي و ارجع المجموعة احسن من الاول.
-و انا مالي و مال المجموعة و شغلها انا بكلمك عن شغلنا احنا انت ناسي انك كنت اكبر مورد اسلحه لينا لا ايه.
-لاء حكاية السلاح دي خلاص انا مش ناوي اشتغل فيها تاني.
-انت بتقول ايه بس يا صقر اولا انت ماكنتش بتشتغل معانا شغل مشپوه بالعكس انت لو وقفت الشغل بينا كده تبقي بتضرنا و متنساش انك كنت وسيط بينا و بين الناس في روسيا.
اومئ له بجدية فهو بالفعل مشتاق الي عمله.
-حاضر يا سيادة اللوا بس اديني فرصه ارتب اموري و اعيد حساباتي.
-أوك يا صقر رتب امورك براحتك و ابقي كلمني اقوم انا بقي و اسيبك عشان تلحق تروح لأبنك وجدته.
سلام يا صقر.
-مع الف سلامه و متشكر لحضرتك اوي
و في بيت الجدة لبنى حاول مازن ان يسيطر على بكائهم.
-كفاية بقي عياط يا اميره.
التفتت له زوجته بعين تزرف الدمع وتشهق من شدة بكائها.
-و الله مش قادره يا مازن انا مش قادره اتصور ان فات سنه علي فراقها.
-ما هو طول ما انتي بټعيطي هي مش هاتسكت حرام عليكم بقى انتو رعبتوا العيال خلاص بقي يا طنط لبني عشان خاطري.
كففت الجدة لبنى دموعها أيضا.
-خلاص يا مازن انا هاسكت بس صعبان عليا جاسر اوي
اتيتم ام و اب و ابوه عايش و حارمه من حبه و حنانه.
-و الله يا طنط صقر حالته تصعب علي الكافر دا من ساعة اللي حصل و هو اتبدل خالص.
دق خفيف علي الباب و فتحت امل الخادمة لتجده يقف امامها بكل هيباته و بحلته السوداء و لحيته البنيه الكثيفه.
وقف مازن من خلفها و هو يحمل الصغير علي ذراعه مندهشا
-صقر!
ابتسم والدموع تلمع في عينه و همس..
-هو ده جاسر ابني
ليكركر الصغير بمرح و يهتف له.
بابا.
مد يده ليحمله من علي ذراع صديقه و لكن الطفل ابا ان يذهب اليه
بل ظهر خوفه علي وجهه فجاءه و دثه بالكامل داخل صدر مازن.
وضحت ملامح الحزن عليه هو الاخر يا لها من لحظه موجعه يري ابنه امام عينه و لا يقوي علي حمله.
ليتفاجئ أيضا بوالدة زوجته تلقى عليه اللوم نظير بعده وجفاءه.
-لسه فاكر تيجي تشوف ابنك دلوقتي يا صقر.
سقطت تلك الكلمات علي اذنه كخناجر تقذف في صدره