رواية ملحمةالروسي بقلمي/ميادةمأمون

بسرعه و بطلي رغي و خديني جانبك الا انا خلاص في اخر مراحل الفوقان و بنام علي روحي و لازم اصحي علي الساعة تلاته
اصلي عقبال عندشك يا اختشي جايلي عريس.
هاهه معقول قولي و الله.
ههههههههه و الله مش وقت رغيك خالص نامي دلوقتي و لما نصحي هاقولك علي كل حاجة.
طب جولي لي هو هشام صح
امممممممم يا بنت اللعيبة صح جدا. 
الرابعة عصرا تماما.
دق باب بيتهم و كانو ثلاثتهم يقفون امامه
و فتح لهم ذلك الكهل بوجهه بشوش.
يا مرحب يا الف مرحب اهلا اهلا يا هشام يا بني.
اهلا بيك يا حج اسمحلي اقدم ليك الباشا بتاعنا و اللي بعد اذنه بعتبره اخويا الكبير
صقر باشا الجبالي.
اهلا و سهلا بيك وبيه دانتو نورتونا النهارده.
دلف داخل منزله بكل هيبته و امسك يده قاصد السلام.
اهلا بيك يا حج البيت منور باصحابه طبعا.
اتفضلو اتفضلو داحنا زرانا النبي النهارده.
اللهم صلي و سلم عليه.
ازيك يا ماما تهاني.
الحمدلله و النبي دي كلمة ماما من بوؤك زي السكر يا حبيبي.
هو انا هوا بالنسبه ليكو و لا ايه يا جدعان ماحدش هايسلم عليا انا كمان و لا ايه.
جاسر و بعدين معاك.
هو انا جاي بس عشان اشيل الهدايا لهشام يعني يا بابا.
هات يا سيدي عنك الهدايا عقبال ما اشيل و انا رايح معاك و انت بتتقدم لعروستك.
ابتسم له و اقترب من اذنه حين لمحها.
شكلنا هنبقي نيجي هنا بردو يا هشام.
الټفت هشام و هو يجمع من يده حقائب الهدايا الي حيث ينظر ذلك الشاب الصغير.
ليراهم هم الاثنان يقفون داخل ممر صغير يؤدي الي الغرف فأبتسم لهما.
احمرت وجنتاها و سريعا ما جذبت الصغيرة ذات النقاب الي داخل الغرفه.
ليش جريتي الي هون يا شمس و كأن هذي اول مرة تريه فيها.
اسكتي يا مليكة انا اصلا مش عارفة اتلم علي اعصابي.
هههههههه علي رأي ما بيقولو المصرين اللي يشوفك امس ما يشوفك الحين.
يا ختي اتكلمي مصري عدل اسمها اللي يشوفك امبارح مايشفوكيش النهارده و بعدين يا ميكي يا اختي امبارح مش زي النهاردة خالص 
دا ابن الايه ده عليه بصة كدة غريبة و جميلة في نفس الوقت هييييح....
يا شمس.
هاه ماما بتاندي من المطبخ حد يسكت الست دي بقي و يقولها اننا عندنا ضيوف.
خلاص انا راح اذهب إليها و انتي جهزي حالك يلا يلا.
اهلا و سهلا نورتنا النهارده و الله و زادني شرف اني اتعرفت بحضرتك يا صقر بيه.
ربنا يخليك يا حج محمد انا اللي سعيد جدا بمعرفتك و يسعدني اكتر اني اجي بنفسي و اطلب من حضرتك ايد بنتك لهشام.
و الله يا بني ان كان عليا انا موافق بس برضو لازم اخد رأي بنتي و أشورها و
ماتأخذنيش يعني يا بني انا ماعرفش اي حاجه عنك و لا حد جاي معاك من عيلتك.
انا طبعا مش بشكك فيك بس دي الاصول مش كده و لا ايه.
الټفت هشام الي صقر و لمعت عينه بحزن جم فأبتسم له مطمئنا.
انا اهله يا حج محمد هشام والده رحمة الله عليه هو اللي مربيني عم عبدو كان بالنسبه ليا ابويا التاني و ولدته متوفيه من حاولي عشر سنين
و انا اللي دخلته كلية الشرطة و حتي بعد ماسابها فضلت مراعيه زيه زي جاسر ابني بالظبط و شغلته معايا.
و نعم الاخ و نعم التربية يا بني بس معلش عشان يبقي قلبي مطمن ممكن اسأل سؤال
اه طبعا يا حج اتفضل.
انت ليه سيبت الداخلية و يارب ماتكنش حاجة مخلة بالشرف.
هذه المره تكلم