رواية ملحمةالروسي بقلمي/ميادةمأمون

هشام بكل ثقة.
طب ممكن تأجل السؤال ده حاليا لحد ما تعرف رد الدكتورة شمس.
و گأنك متأكد من ردها.
انا لاء و الله بصراحة انا جاي و خاېف من ردها هي بالذات.
بس انا برضو لازم اطمن علي بنتي و زي ما انت شايف انا راجل كبير في السن يعني مافيش صحه اني اسافر مصر و اسأل عليك و اخوها مش هنا عشان يعمل ده بدالي.
طب ينفع تثق في كلامي انا يا حج و يا سيدي وافق علي ضمانتي.
ماشي بس برضو هاخد رأيها هي الاول اهي جات اهيه تعالي يا دكتورة.
تخبطت في خطواتها و هي تحمل تلك الصينية الموضوع عليها اكواب العصائر في يدها.
وقف امامها و هو مبتسم ليزيد من خجلها و هو ېلمس يدها التي كادت تفلت ما فيها الا انه امسكها منها.
حط الصينية و اقعد يا هشام خلينا نرحب بعروستنا.
هي دي بقي شمس يا صقر باشا.
شمس و هي بدر في تمامه يا هشام الف مبروك يا بنتي ولا انتي ليكي رأي تاني
بابا قال لازم تقولي رأيك
نظرت الي ابيها و ابتسمت ثم الټفت اليه و احنت رأسها.
الله يبارك في حضرتك.
هههههههه علي خيرة الله بقي يا حج كده العروسة قالت رأيها صح ولا ايه.
صمت ذلك الكهل و اجلس فتاته بجواره.
مالك بس يا حج لو في حاجه جواك من ناحيتي قولها.
متأخذنيش يابني انا راجل اللي فاضل من عمري مش قد اللي راح.
و خاېف اقابل وجه الكريم و انا مقصر في حق بنتي عايز اديها للي يتقي ربنا فيها و يراعيها مش عايزها بعد موتى تدعي عليا و لا تقول ابويا ظلمني و اخويا مش جانبي عشان اشكيله همي.
دمعة اطرفت عيناها و امسكت يده و قبلتها.
بعد الشړ عليك يا بابا ربنا يخليك ليا.
قبل ان يرد عليها وجده هو الاخر يمسك بيده الاخري و يقبلها.
بعد الشړ علي حضرتك ربنا يديلك طولة العمر و صدقني انا قبل ما هاكون زوج لبنتك هاكون ابن ليك و هاتشوف.
هذه المرة تكلم الصقر الذي هتف بكل مرح
و في دي بقي انا اضمنهولك برقبتي و فرحهم و شقتهم و جهازهم كله عليا انا.
ربنا يخليك ليا يا باشا متشكر اوي بس انا هاعمل لشمس كل اللي هي عايزاه و هاجيب ليها كل اللي تطلبه.
بس ياض هو في شكر بين الاخ و اخوه مافيش الكلام ده و طبعا كل اللي هاتطلبه شمس هايجي لحد عندها نقرا الفاتحة بقي يا حج محمد ولا ايه.
ربنا يباركلي فيهم و عقبال ماتفرح بابنك عقبالك يا جاسر يا بني.
لم يلتفت اليه لم يكن معهم بالغرفه من الأساس.