رواية ملحمة الروسي بقلمي/ميادة مأمون

هي مستشاطة من الغيظ لتجد ابنتها تجلس باكية و تلك السيدة المسنة تحاول تهدئتها و الربت على كتفها حتى تسكت نحيبها لتواجهها امره.
-مليكة
كففت دموعها بيدها و أحنت رأسها لتداري عنها وجهها.
-نعم امي
-بطلي عياط و قومي اغسلي وشك.
-ما عم ببكي امي.
-و الله مش پتبكي اومال وشك احمر كده من كتر الضحك بصيلي هنا.
رفعت وجهها لها و لم تتحدث لتصدمها الإجابة التي رأتها اقتربت منها و اجتذبتها لتضمها إليها.
-زعلانه ليه يا حبيتي بټعيطي كده ليه بس.
حاولت كتم شهقاتها و السيطرة على تشنج جسدها.
-انا زعلانة منك امي ليش عم بتعاملي جاسر هيك.
-زعلانة مني انا طب ليه بس يا حبيبتي هو انتي يعني مش عارفة انا اد ايه بخاف عليكي.
-تخافي عليا من زوجي يا أمي ليش ما بتصدقي جاسر بيحبني و حياة الله ما بيطلب مني شي بالعكس هو يمكن بېخاف عليا اكتر منك كمان.
مصمصة شفاها وصلت إلى مسامعهم هم الاثنتان لتتحدث بمراوغة.
-امممم لاء مانا اخدت بالي انه بېخاف عليكي اكتر مني طب يلا بقي يا حبيبتي اغسلي وشك الحلو ده و خدي العصير و روحي اشربيه انتي و هو سوى.
لم تعلق على مرواغتها هذه بل اومئت لها برأسها و فعلت مثلما امرتها بالظبط و ولت
ذاهبة الي الخارج.
جلست على المقعد مكانها واضعة يديها أسفل وجنتها متتبعه طيف ابنتها ثم اردفت بسخرية.
-هاتفضلي طول عمرك بريئة برائة بهبل.
و اخيرا انتبهت الي نظرات تلك الواقفة منصته الي كلماتها جيدا و تلقى عليها نظرات تكاد ټحرقها في مجلسها.
-مالك يا وليه انتي بتبصيلي كده ليه.
تفاجئت بطريقتها المبتذلة في الحديث.
-ايه حضرتك بتكلمني انا.
-اومال بكلم امي هو في حد هنا غيري انا و انتي.
نفضت رأسها يمينا و يسارا مستنكرة طريقتها الهزلية هذه ثم اردفت بضيق.
-لالالا حضرتك ممكن تكلمي بنتك او جاسر بالطريقة دي لكن انا لاء يا هانم اسفة انا ماسمحش لي حضرتك او اي حد يكلمني بالطريقة دي ابدا.
دبت قبضتها رجت الاكواب الموضوعة علي الطاولة حين وقفت بوجه هائج من شدة الڠضب.
-و لزمتها ايه حضرتك بقى ما تيجي يا ختي تاخديلك قلمين ما هي الحكاية ناقصاكي انت كمان.
انفزعت السيدة الحنون من هجومها عليها و تراجعت مقررة ان تترك لها هي الاخري المكان بأكمله.
- العفو يا بنتي دا برضو بيتك و انا ماهما كان مش اكتر من واحدة بتشتغل عند صاحب البيت ده عن اذن حضرتك.
تفاجئت بردها و بسرعتها في الرحيل لتتخلي عن مكانها سريعا و تشبثت بيدها غير سامحة لها بالترجل للخارج.
-على فين بس يا دادة بصي انا بعتذرلك عن طريقتي في الكلام معاكي سامحيني انا صحيح صوتي عالي و عصبيه بس قلبي طيب و الله و بكره لما تعرفيني هاناخد على بعض صلى بقى على النبي كده وتعالي اقعدي معايا يا شيخة.
تنهيدة قصيرة زفرتها السيدة الحنون
-اللهم صلي عليك يا نبي العفو يا بنتي دا انا اللي بستسمحك انك بس تحاولي تهدي أعصابك شوية انا خاېفة عليك بصراحة طريقتك دي مش هاتجيب نتيجة مع صقر باشا بالعكس دي هتأثر عليكي انتي بالسلب.
تركتها من يدها منتبهه الي ما تقول و جلست
على مقعدها لتحثها على الحديث معها عن ما تعرفه عن رب عملها.
-ايوااااا صقر باشا اهو صقر باشا دا بقى يا داده هو اللي عايزة اعرف عنه كل حاجه و انتي بصفتك المربية بتاعت جاسر يعني بقالك معاهم كتير اوي و اكيد تعرفي عنه كل حاجه.
صمتت قليلا مرتابة في الأمر كله و