رواية ملحمة الروسي بقلمي/ميادة مأمون

بدئت تفرك يديها في بعضهم.
-اعذريني يا بنتي انا مش مقدرش اخرج أسرار البيت اللي بقالي عمر بشتغل فيه من علي لساني.
ضمت الاخرى حاجبيها بعدم فهم و استشعرت ريبتها.
-انت فهمتي ايه يا دادة انا مش عايزة اعرف منك أسرار حد انا بقولك عايزة اعرف طبعه عشان اخد عليه يعني بيحب ايه و بيكره ايه امتى بيثور و امتى بيفرح كده يعني يا داده.
فهمت مقصدها فطمأنت وأردفت لها.
-أههه مش تقولي كده من الصبح.
ثم تحركت نحوها و جلست في مقابلها لتحكي لها عنه.
-بس انتي مهما حاولت تفهميه للأسف مش هتقدرى يا ست جنه انا من يوم ما دخلت البيت ده و صقر باشا بالنسبة ليا لغز كبير اوي.
كبتت حنقها بداخلها و سحبت تلك السکين الصغيرة و شرعت في تقطيع الخضروات الموضع امامها على الطاوله لتلقي عليها سؤالها.
-انتي بقالك كتير معاهم يا دادة سيدة.
أومئت لها برأسها و همت هي الاخري لتساعدها.
-يووووه دا عمر تاني انا عايشة معاهم من وقت ما كان جاسر لسه طفل صغير انا اللي ربيته بعد ما لبنى هانم اټوفت صحيح اميرة هانم كانت بمثابة ام ليه
و اهتمت بيه كتير بعد مۏت الست لبنى لكن صقر باشا ماعجبهوش الوضع أصلها كانت تقريبا مقيمة هنا هي و ولادها و برغم ان مازن باشا صديق عمر صقر باشا لكن زيه زي اي راجل شرقي هاتجيله فترة و تضايق ويزهق من بعد مراته عنه فقرر اني افضل هنا معاهم.
-ثانية واحدة يا دادة هي مين لبنى هانم دي.
-دي جدة جاسر ام الست چانا الله يرحمها.
على ما يبدو أن هذا الاسم سيكون لها بمثابة الشبح الذي سيطاردها أينما تذهب في هذا المنزل لتكبت غيظها اكثر و تصك أسنانها بعضهم ببعض .
-تاني الست چانا هي عفريتها لابس كل اللي في الڨيلا دي يا خواتي 
ها يا داده وبعدين كملي
-مافيش يا ستي من وقتها و انا عايشة هنا لكن عمري ما دخلت على صقر باشا في مرة الا و لقيته سرحان بس خدي بالك هو اه بيكون قاعد مع نفسه بس عينه بتكون على كل اللي حواليه
- ازاي يعني يا دادة.
-هاقولك بصي انا اول ما بدخل عليه و باشوف ملامح وشه بصراحه بقيت اقدر أميز اذا كان زعلان و لا فرحان
أصله لما بيبقى زعلان اجارك الله وشه ده بيكون اللهم احفظنا ربنا ما يوريكي ملامح غضبه.
ابتلعت لعابها بصعوبه مما قالته تلك السيده و تحشرجت الكلمات في حلقها و زاغت عينيها بريبة.
-ااانتي بتخوفيني منه و لا ايه يا ست انتي.
ضحكت الاخري بطريقة استفزازية لتزيد من حنقها.
- دا انا بوعيكي بس بردو عايزة اقولك انه مابيظهرش الوش ده غير في آخر مراحل صبره فامتحوليش انتي بقى يا ستي انك تختبري صبره كتير.
تلجلجت و همست خائفه مما ساتلقيه حين يعود متذكرة امره لها أن تنتظره داخل غرفة مكتبه.
-يا نهار اسود شكلك هاتتقطعي و تترمي للكلاب النهاردة يا جنه.
-بتقولي حاجة يا ستي.
انتبهت إليها مرة أخرى و رفعت وجهها لتلقي عليها بسؤال اخر تفوهت به رغما عنها.
-هو بيضرب يا دادة قصدي يعني ممكن يمد ايده على واحدة ست.
شهقت الاخري نافية.
-هاه مين ده صقر باشا لا الشهادة لله انا عمري ما شوفته مد ايدو على واحدة ست ابدا ثم اردفت موضحة هو مش بيضرب غير رجاله بس.
سخرت جنه منها بأبتسامة صفراء
-طمنيني الله يطمن قلبك يا دادة سيدة اصلي انا موتى و سمي الراجل لما يكشر