رواية ملحمة الروسي بقلمي/ميادة مأمون

بس في وش مراته ما بالك بقى اذا مد ايدو عليها.
رفعت الاخري جانب شفاها العلوية بعلامة الضجر مستأنفة حديثها.
-طبعا طبعا يا جنة هانم ما هو باين من حالة الحړب اللي كنا فيها امبارح.
- طب انتي كده وضحتيلي لما بيكون زعلان بيبقى تقدري بقى تقوليلي بيعمل ايه لما بيكون مبسوط.
-ياه دا بيبسط كل اللي حواليه و بيكافئ كل اللي في الڨيلا من اول الحرس لحد انا واللي شاغلين معايا هنا في المطبخ كلهم و في الاخر بيروح يقعد مع صورة الست چانا 
ويفضل يحكي و يتكلم و يضحك معاها كأنها
موجودة معاه بالظبط.
اشتعلت من الغيظ لم تقوى على الجلوس هادئة هذه المرة لتلقي ما في يدها و تهب واقفه و هي تصرخ.
-يا دي چانا اللي مش هاعرف اخلص منها و لا من سيرتها وسعي
كده يا ولية انتي من وشي.
لتنتفض في جلستها رامقه طيف سيدتها شديدة العصبية بزهول.
-ايه ده انا عمري ما شوفت جنان كده يا لهوي دي غيرانه من واحده مېتة.
تسارعت أنفاسها و جحظت عيناها تسابقت خطواتها نحو غرفة مكتبه حتى انها لم تلاحظ هؤلاء الذين يقفون بأعصاب مشدودة يتناقشون.
-يعني انا بشو اذنبت حتى تعاقبني يا جاسر.
-مليكة بطلي عياط و من فضلك لو سمحتي قولتلك الف مرة تتكلمي مصري ماتحوليش تستفزيني انتي كمان.
-طب حقك عليا يا سيدي ولو اني مش عارفة ايه اللي حصل بينك و بين امي يخليك ترجع في كلامك و تخرج و تسبني.
انفعل اكثر مما كان ليشير بأصبعه على والدتها التي ترجلت أمامهم.
-ما هو انا لو ماخرجتش دلوقتي مش ضامن النقاش بينا هيوصل لايه و لا ضامن نفسي بصراحه.
ظن انها ستتوقف خطواتها و تتجه اليه لټتشاجر معه لكنه اندهش حين رأها تلج الي غرفة مكتب والده دون الانتباه لهم.
-الله هي مامتك داخلة مكتب ابويا تعمل ايه فيه.
جلست على الاريكة معطياه ظهرها غير عابئه بما يقول.
-ما بعرف روح اسألها.
ارتفع حاجبه الأيمن متعجبا منها ضاربا كف بالأخر.
-لاه دا الظاهر ان انا و ابويا هانعيش ايام جنان على الآخر.
أعطاها هو الاخر ظهره و ذهب للأخرى.
للتو كانت اوصدت الباب و جلست على الاريكة الموضوعه أسفل النافذة لتستمع الي دق علي الباب.
لم تكترث او حتى تسمح لمن بالخارج بالولوج إليها و ظلت عيناها رامقة البوابة الرئيسية عبر الزجاج.
-طنط جنه!
استدار وجهها لبعث له نظرة مبهمه ثم التفتت كما هي و لم تتحدث.
زفر أنفاسه پغضب و حاول أن يبدو هادئا.
-معلشي يا طنط ممكن حضرتك تخرجي من المكتب انا اسف اني بقولك كده بس ابويا مش بيحب حد يقعد في مكتبه و هو مش موجود.
خرج صوتها هادئا حزينا
-ابوك هو اللي قالي اقعد استناه هنا يا جاسر.
شملها بنظرة مندهشة و على وجه السرعة اردف.
-انتي عملتي ايه يا طنط يخليه يأمر بكده.
توجست الخيفة من رده هذا و انتفضت مرتجفة.
-ليه هو هيحصل ايه يا جاسر انا ماعملتش حاجه صدقني.
شرد قليلا و ظن ان هذه فرصته للعب على اعصابها نعم سايخيفها لينتقم من لسانها.
-مش عارف اقولك ايه بس ابويا لما بيأمر حد بكده بيكون خلاص جاب آخره في الصبر عليه.
رنت في اذنها كلمة دادة سيدة حين قالت(ماتحوليش تختبري صبره) لاتلتفت اليه قائلة.
-انت برضو ماقولتش ليا ابوك هيعمل ايه.
تصنع الرهبه امامها و الټفت نحو الخارج متعجلا بالذهاب.
-ها لاء انشاء الله مش هيعمل حاجه عن اذنك يا طنط.
انتفضت من جلستها واقفة لتلحق به و هي تناديه قبل أن يغلق الباب.
-استنى يا جاسر خليك معايا