رواية في ظلمة بيجاد بقلم /ميادة مأمون

الفصل العشرون
فتح الباب برفق ليستقبل الزائر الذي يدق بابه بهذا الوقت ليري صديقه يتقدم أبن عمه ويقف بفتحة الباب. 
فسأله بعدم فهم. 
بيجاد 
خير يا عبد الراحمن في حاجه حصلت 
نفذ صبر بوده واذا به ينهره
ايه يا بيجاد مش سامع كل الخبط ده مش معقول تكون لحقت تنام يا أخي 

زجه عاصي الصغير للداخل وهو يهمس پغضب
انت لسه هاتسأله نام ولا لاء ادخلو جوه يا اخويا واسأله براحتك لابوك يقفشنا. 
ضم بيجاد حاجبيه مستنكرا كلام هذا العم الصغير
يقفشكو اذاي يعني ده طلع ينام من شويه متخافوش مش هايشوفكو. 
ضحك يونس المشاكس الصغير وهو يغلق الباب بهدوء
ههههههه جدي العاصي بيشوفنا واحد واحد حتى لو نايمين في سرايرنا يا متر. 
جري بيجاد يغلق باب الغرفه على زوجته وهو مرتاب في الأمر وتعلقت عينه بسقف الشقه يتفحصه جيدا يتسائل بوجه غاضب 
ابوك حاطط جوه الشقق كاميرات ولا ايه عبد الرحمن 
ضحك بوده على تفكير صديقه 
هههههههههه لاء يا اخي ماتخافش كده هو قصده يقولك انه لازم يطمن علينا كلنا قبل ما ينام بس. 
تنفس بيجاد الصعداء وجلس براحه وأشار لهم أيضا بالجلوس
اه قولتي طب خير رجعتو تاني ليه في حاجة جديدة ظهرت 
وهنا تدخل ياسين بجدية
الله انت مش قولت انك عارف مكان العيال اللي خاطفين ابنك دول 
بيجاد
اه اعرفه اصلي كنت جيت هنا مره زمان انا والزفت حسن قبل ما ادخل الكليه. 
بوده
ياه يعني قول من بتاع ١٢ سنه كده صح يا بيجاد 
بيجاد
تقريبا وممكن اكتر كمان انا فاكر ان ساعتها كنا لسه خارجين من الملجأ. 
ليصيح عاصي الصغير
انت بتهرج يا ابا دي الدنيا بتتغير من سنه للتانيه والجماليه مش اوضه وصاله دا حي كبير وفي كل يوم بيوت بتتهد ويطلع مكانها أبراج عالية وشوارع بتتغير ملامحها ويتبني وسطها كباري ويتحفر فيها أنفاق. 
بيجاد
بس برغم كده هي لسه زي ماهي يا باشمهندس اومال انا عرفت اوصل ازاي لحد هنا. 
كاد ياسين ان يستشاط غيظا من ما يناديه بالعم الصغير
خلاص بقى يا عمي عاصي بالله عليك ماتحبطنا خلينا نخلص بقى. 
بص يا متر انا عايزك تقولنا على اسامي العيال دي واحد واحد واي اماره فاكرها عن الشارع او المنطقه بتاعتهم
وليك علينا مش هتنام الليله الا واحنا جايبين ليك ارارهم واحتمال نجبلك الواد كمان. 
بيجاد
كده يبقى لازم اكون معاكم خطوه بخطوه 
ياسين استنى بس معانا فين احنا لسه هانتصل بيزن ونشوفه وصل لحد فين ونعرفه المعلومات اللي عندك و بعدها نبدء نتحرك. 
وقف بيجاد من علي مقعده عازم النيه على الخروج معهم
لاء هاكون معاكم خطوه بخطوه وتوصلوني انتو بس ليه وانا الله الوكيل لكون واخد روحه بأيدي ومرجع ابني بنفسي. 
ليصيح بوده بفزع لأ بقولك ايه اهدي كده ربنا يرضى عليك يا صاحبي انت مش هتتحرك من هنا غير الصبح 
ابويا لو حس بحاجه غير طبيعيه بتحصل في البيت ده 
هايهدو علينا كلنا وانت يا جيمس بوند انت كمان! انت توصل ليزن الكلام وهو يوصل بس للمنطقه من بعيد ويعرفلنا مدخلها
ومخارجها و عالله تقربو من البيت مفهوم يا يا ياسين. 
ياسين بجمود 
ماشي يا خالو بس ماتزعقش كده يا اخي انا بكلم يزن اهو اخلصو بقى وشوفوه فاكر ايه في المنطقه دي. 
عاصي الصغير 
وانت بعد اللي قولته ده مين هايسيبو يروح لوحده يلا قوله على كل حاجه تعرفها يا بيجاد وانا هاروح معاه ونحصل يزن. 
وقف بيجاد يفكر بهدوء ثم هتف
صدقوني مش هاعرف اوصف حاجه كده لازم اكون معاكم انا اكيد مش حافظ اسامي الشوارع هنا يعني. 
عاصي مؤكدا عليه 
بس مش هاتعمل حاجه لوحدك حتى