رواية نسائم الروح الفصل الرابع الجزء الثاني للكاتبة أمل نصر

تردد بتساؤلها 
جوزي انا سيرته ماليا البلد ليه يا واد عمل ايه الجزين ده انا عارفاه طول ما بيشرب عمره ما هيجيبها لبر ابدا
تبسم ساخرا يكيدها بقوله 
ومين جال انه عمل حاجة عفشة دا بالعكس بجى الكل بيحكي ويتحاكى عن بطولته! الراجل اللي لحج مرته جبل ما ټموت وفر بيها على الوحدة ينفذها
اسبهلت امامه بعدم فهم ف استطرد موضحا 
ايوة يا ست الكل ما انتي عشان صاحية متأخر متعرفيش ان الست سليمة اتعرضلها حرامي ابويا السبع بجى هو اللي دخل عليهم في وش الفجر وراح شايلها على ايديه الاتنين عشان الدكاترة يلحجوها
بأعين برزت بجحوظ ترفض الاستيعاب هتفت مرددة من خلفه 
شالها بيديه الاتنين يا واد انت واعي للكلام ده
أومأ يزيد عليها 
وفضل يجري بيها طول المسافة من بيت جدي لحد مكان الوحدة حتى ما استناش يطلب النجدة من حد 
الى هنا ولم تتحمل صړخت داعيه پقهر وحقد يفتك بها متذكرة انه لم يفعلها ابدا معها 
روح يا فايز الهي تتشل ولا تلاجي اللي يشيلك كيف ما انت جاهرني كدة وكاسر بخاطري 
تانقت كالعادة وبالغت في تزين وجهها بالإضافة لهذه الاكسسورات التي تظهر حجم البذخ الذي تتنعم به كالساعة الفاخرة والأساور الثقيلة والسلسال الذي يغطي الصدر الأمامي من العباءة الباهظة الثمن هي الأخرى 
انتبهت عليها رئيسة من داخل مطبخها فخرجت اليها على الفور منادية كي توقفها 
رايحة فين يا فتنة النهادرة كمان اوعي تجولي هتشتري لبس ولا دهب عشان الحجة دي باظت ومسخت 
تبسمت لها معقبة ببساطة 
خلاص ياما بلاها منها الحجة دي انا طالعة اشم هوا او اجضي وجت حلو في المول التجاري 
أثارت ڠضب رئيسة والتي عبرت باستياء توبخها 
وجت حلو ايه هي البعيدة ما بتشمش ولا عندها ډم تحس بامها اللي بيطلع عينها مع البنات انا معدتش عندي صحة معاهم يا جزينة خلي عندك ډم وشيلي مسؤليتهم ولا انتي ما صدجتي 
ردت تذهلها 
بلاها عنك خالص ياما وديهم عند ابوهم خلي المحروسة مرت ابوهم تجوم بواجبها معاهم ولا هي صدجت نفسها وافتكرت انها حلت محلي وهاتبحى هانم بجد 
لم تتفاجئ رئيسة بقولها فعقل ابنتها الأحمق ونفسها السوداء ترفض رافضا قاطعا مبدأ ان تحل محلها امرأة أخرى بل وتفضيلها عنها 
تمالكت بصعوبة عن الڠضب فعقبت تنهيها بنصح عله يأتي بفائدة معها او حتى تأخذ حذرها ف السباب والحماقة في الرد 
عيب عليكي يا فتنة الكلام بيوصل راعي انها بت عمك حتى 
عما الدبب خليها تسمع هي وجوزها ولا هيهمني ع الأجل كل واحد يعرف مجامه اخرها خدامة لعيالي 
اردفت بالاخيرة بعجرفة كادت ان تجلط الأم قبل ان ترحمها بالأستأذان 
مش هتأخر ان شاء الله مشواري خفيف 
قالتها وتحركت للذهاب لتتمتم رئيسة وهي تتابع اثرها 
على كيفك يا بت بطني مش ابوكي فارطلك الحبل ع الغارب اعملي اللي يلد عليكي 
تجاهلت فتنة التهكم المقصود من والدتها وتابعت طريقها نحو المغادرة حتى تفاجأت بمن يدفع الباب بملامحه العابسة يسحب حقائب سفره من خلفه فسبقتها رئيسة بالتهليل في استقباله 
تاجي يا ولدي حمد الله ع السلامة يا نور عيني 
القت بنفسها عليه تقبله وتضمه باشتياق لتعقب فتنة بتهكم 
خفي شوية عليه ياما ولدك شكله راجع مفرهد وتعبان الله يكون في عونك يا واد ابوي شكل الوفد