رواية نسائم الروح للكاتبة أمل نصر
مدوخني امتى هتيجي يا غازي
وه وه مش كنتي بتجولي من شوية ان الحال تمام.
كنت بتجمل لكن انا تعبانة يا غازي وانت حر بجى لو مش هامك تعبي ومع السلامة بقى عشان مزودتش عليك لتكون مش حامل كلامي كمان.
وه .
تفوه بالأخيرة مزبهلا يطالع انتهاء المكالمة ع الشاشة منذ متى كانت بهذا الجنون نفض رأسه يحاول الاستيعاب ليغمغم محدثا نفسه پصدمة
ومن جهتها سقطت جالسة على طرف التخت باضطراب يعصف بها كالطفل الذي لم يعلم بالخطأ سوى بعد فعله
لا تدري كيف فعلتها انها ابدا لم تكن بهذه الفظاظة دائما ما يضرب بها المثل في الحلم لكن هذا الرجل بالفعل يخرجها عن شعورها ولكنها الان اخطأت في حقه ترى ماذا سيكون رد فعله
ان شاء الله ينسى على ما يرجع او حتى لما يتصل مرة تانية يمكن نتصالح.
اقنعت بها نفسها حتى تطمئن
خرجت فتنة من غرفتها بملابس الخروج ف استعداد الذهاب بحجة جديدة في روتين أصبحت تجيده هذه الأيام لفعل ما تود فعله دون
حساب او مراقبة
توسعت عينيها بإجفال فور ان وقعت ابصارها على هذه الملعۏنة جوليا بملابسها المكشوفة تظهر ساقيها وذراعيها ببزخ
انتي يا زفته انتي طالعة بالشورت كدة ف الطرقة فاكرة نفسك في مارينا
تبسمت لها جوليا تميل بدلال كي تغيظها بلكنتها العربية الغير متقنة
لا يا هبيبتي مش ف مارينا بس في بيتي مع جوزي حبيب قلبي .
حبك برص يا بعيدة انتي اتجنتي يا بت بتمشي بالعريان في قلب البيت جوزك سمحلك كيف تطلعي كدة من جمبه
مالوا جوزها يا ست فتنة انا كنت جاعد تحت في الجنينة اصلا
نقلت بڠضبها نحوه تردد
طب يا محروس يا للي كنت جاعد تحت في الجنينة يعجبك اللي السنيورة لابساه ده افرض حد من خواتك شافها ولا عيال اخواتك هيبجي منظرك ايه يا سبع الرجال
سبقته جوليا بقولها
ختمت بابتسامة يغمرها الدلال اطاحت بثباته وهي تتمايل بجسدها أمامه ليبادلها ببلاهة حتى انتفض على صيحة فتنة الغاضبة
انت لحجت تريل يا جزين البت دي لحست عجلك ما تصحى للكلام اللي بجوله خلي
تلبسني الطرطور ما تحترمي انت نفسك يا فتنة وبطلي جلة حيا انا مرتي بتلبس في بيتي وحتى لو اتجرأت شوية دي خواجية يعني هتاخد وجت على ما تتعود وهتبجى عال العال كمان مش كدة يا جوجو
كدة يا هياتي تعالي بقى لما اقولك انا كنت عايزاك في إيه عن اذنك يا هماتي.
قالتها تسحبه من ذراعه لتردد من خلفها رئيسة
اذنك معاكي يا حبيبتي.
عقبت فتنة پجنون ما تشعر به
شايفة الأهبل ياما بيضحك ازاي وهي ساحباه زي البغل دا مهموش الكلام ولا شكله جصدانا البت دي كلت بعجله حلاوة زي ما عملت مع ابويا بدلعها عليه بتخليه يفوتلها ويبلعلها وانتي كمان شايفة كل عوجها وساكتة.
تكتفت رئيسة بابتسامة هازئة ترد
وايه الجديد ما انا شايفاكم كلكم معوجين وبرضك ساكتة جات ع الخواجية ع الأجل هي بت حركة وبتعرف بتاكل عيشها وتبلف اللي حواليها بشطارتها.
شيليها انتي من مخك بس وخليكي في نفسك مش انتي برضك طالعة النهاردة يا غالية والله عرفت من ساعة ما سربتي البنتة على بيت ابوهم رغم انك عارفة زين انه مش جاعد لكنك طبعا مستجصدة مرة ابوهم كالعادة
التوى فمها بعدم اكتراث فتابعت رئيسة بسخطها قبل ان تذهب وتتركها
ربنا يهديكي يا بتي.
تتفتل في نفس المجمع التجاري مقلتيها تذهب يمينا ويسارا في البحث عنه رغم ادعائها الشموخ في السير بتعالي كعادتها والتسوق من محل الى اخر حتى وجدته فجأة امامها يعترض طريقها
مساء الجمال.
شهقة مكتومة من فمها تصنعت بها الإجفال قبل ان تقول
إنت تاني هو المول ده كان بيتك
