أدمنت قسوتك بقلم سارة علي
فأمسكت بيده داعمة لها وقالت
احنا هنتجوز ونعيش سوا انا وانت نشتغل ونبني نفسنا مع بعض
سحب يده من كف يدها وقال
طب والشقة هتقبلي تعيشي مع امي واخواتي
اومأت برأسها وقالت
هقبل انا اصلا بحب مامتك واخواتك وعلاقتي بيهم كويسه...
وانت عارف ده كويس.
ما زال هناك شعور بداخله أن ثمة امر غريب يحدث وراءه
لكن لا يهم طالما مايا ستكون زوجته وملكه
قلت ايه
افاق من شروده على سؤالها ليبتسم ويجيبها اخيرا
موافق
تنهدت براحة ثم قالت بسعادة
احنا نتجوز على طول ايه رأيك.
تعجب سعد من سرعتها لكنه لم يشأ ان يحرجها فإبتسم وقال
تمام لو ده هيريحك
شكرا يا سعد شكرا اوي
قالتها بإمتنان حقيقي له فهو سينقذها من براثن الذئب دون ان يعلم سوف يحميها منه ومن بطشه وسينتهي حينها كل شيء
ما زال يفكر بما حدث وما فعلته مايا وقالته ...
شعور غريب في داخله يخبره ان يصدقها وشعور اخر يكذبها
وهو تائه حائر بين هذين الشعورين
وجد أخيه يجلس في صالة الجلوس يتابع التلفاز فجلس بجانبه بعدما القى التحية عليه
تأمله حسام بتعجب.
كان يبدو مرهقا للغاية فسأله بحيرة
اجابه كريم وهو يطلق تنهيدة ثقيلة
مهدود حيلي بسبب الشغل
ثم اردف متسائلا عن والده ووالدته
امال بابا وماما فين
اجابه حسام
خرجوا يتعشوا بره عزموا عليا معاهم بس رفضتقلت اسيبهم يعيشوا شبابهم شوية.
ابتسم كريم ساخرا على كلمة شبابهم ثم ما لبث ان قال
حسام ايه رأيك تروح بكره بدالي عزومة عزمي بيه
انت بتهزر يا كريم دول عزموا ماما مخصوص عشانك
ليه يعني
سأله كريم بلا مبالاة ليرد حسام
عشان كارما بنته دي ماما معجبة بيها اوي وعايزة تخطبهالك.
طموحة اوي ماما دي.
قالها كريم ساخرا ليضحك حسام عاليا قبل ان يقول بعبث
