رواية نسائم الروح للكاتبة أمل نصر
اصلا
هدر بها جعيدي نحو يوسف والذي هم ان يواصل غير ابها بما يقال عنه من الجميع ولكن غازي لحق عليه ليسحبه ويبتعد عنهم بمسافة امنة بعض الشيء ليحذره هامسا
اهدي بلاش فضايح الراجل دا مخه تخين مش ناجصين إشكال معاه.
يعني عاجبك اللي بيعمله دا يا غازي
يا سيدي مش عاجبني بس ايه في يدي دا ابوها الوحيد اللي فاضلها دلوك وانا مهما كانت سلطتي لا يمكن هجدر اتعدى ابوها
طب خلاص يا عم جعيدي روح انت وخليها معايا انا ومرتي هنجعد كام يوم كمان حتى عشان لما اخوها يفوج يلاقيها جمبه
جوله يا عارف بيه.
صاحت بها ورد تنزع نفسها من حضڼ روح لتردف باڼهيار
بين ايدين ربنا انا لازم اجعد جاره عشان يفوج مليش مكان غير جمبه انت بجى روح لعيالك ومرتك ملكش دعوة بيا .
صاح جعيدي بعدم تقبل ف البقية
عشان تعرفوا بس ان معايا حق طب بالزمة اسيبها كيف في بلد غريبة ببن واحد ومرته معلش يا عارف يا ولدي انت ومرتك على عيني وعلى راسي بس انا بتكلم في الأصول انت مهما كان برضك غريب عنها .
التف الجميع نحو صاحب الصوت ليجفلهم يوسف بقوله
ورد مش هتفارق اخوها ولا البلد ورد هتفضل مع جوزها اللي هو انا.
.... يتبع
الفصل العاشر ج٢
داخل السيارة التي تقلهم للعودة الى البلدة كان الحديث الملح بين الثلاثة لم يتوقف بعد وعارف يضرب كفا بالآخر يردد بعدم تصديق
اقسم بالله انا لحد دلوك ما مستوعب.
قالها غازي باستهجان متأثرا بإجهاد الأيام السابقة في السهر والقلق داخل المشفى ليعقب على قوله الاخر
ولتلاتة وأربعة كمان انا لحد دلوك مش مستوعب عملة صاحبك المچنون ولا مصدق كيف لف الموضوع لصالحه وفي عز الظروف الصعبة دي جاب الفكرة بسرعة تدهش طب يعني دا شفقة ولا هي البت عجبته ما هو مفيش حد يعمل كدة لله يا عمنا .
بصراحة انا حاسه الموضوع اكبر من الإعجاب يوسف كان مبيشلش عينه من عليها تقريبا كان بيجي مخصوص ويجعد اليوم كله معانا في المستشفى عشانها مش عشان مجاملة لصاحبه وشريكه زي ما كنت فاهمة في الاول هو يعرفها من امتى يا غازي
أجفل لسؤالها المباشر حتى وضح عليه الإرتباك في البداية قبل ان يتحمحم مجليا حلقه يجيب بمرواغة
يا اارجل يعني عايز تفهمنا ان الموضوع اصله جدعنة وبس.
تمتم بها عارف بنظرة تشكيك يوجهها بها حتى استفزه فهتف به موبخا
وحتى لو مش كدة انت مالك ياخي ما تخليك في السواجة وانت ساكت عمال ترط وتفتح في المواضيع زي الحريم ما تركز في اللي ف يدك.
رد عارف متصنعا الحزن
اخص بجى دي جزاتي ان شايل عنك ومتحمل تعب الطريق في السواقة لوحدي عشان صعب عليا تعبك صحيح المعروف ما ينفع ابدا مع واحد بينكر زيك .
عبس غازي بغيظ
طيب
يا اخوي اديك اتعلمت يعني متبجاش تعمله المعروف دا تانى مع ناس نكارة خير زيي ابو شكلك عيل غلس سرع شوية خلينا نوصل
لا يسرع فين هو انا ناجصة تعب با غازي
هتفت بها روح بنهي جعل زوجها يكف عن الابتسام ومناكفة غازي ليعلق بقلق
اهو ده اللي كنت خاېف منه اكيد العيل اتأثر من السفر والوجفة صح ولا لا يا ست روح
يعنى كنت هسيب البنية لحالها يا عارف وهي كانت زي اليتيمة وسطينا اهي جات من عند ربنا ولجيت اللي يغنيها عن الجميع سبحان الله من جلب المحڼ ربنا بيخلق اللطف لعباده.
ونعم بالله.
تمتم بها الاثنان ليرد عارف بلهجة متأسفه
ربنا يتم فضله عليها كمان ويفوق اخوها برضك دا سندها الأهم حتى عشان تفرح.
ردد خلفه غازي بتضرع
اللهم امين يارب اللهم امين
خلاص احنا كدة اول ما نوصل نريح شوية وبعدها
