مغامرات أبناء العاصي بقلم/ميادة مأمون

الفصل الثالث والثلاثون 
كانوا يجلسون علي مائدة الطعام في شقة جدهم ينتظرون مدرس المادة الالمانيه كي يشرح لهم درسهم
واذا به يدخل عليهم وهم جالسون
عاصي ازيكم يا قمرات العيله مالكم قاعدين كده ليه
تيا حمدلله علي السلامه مستنين مستر عصام عشان جاي يدينا درس الالماني
عاصي اه مستر عصام انا مش فاهم يعني مافيش غير المستر الملزق ده اللي يديكو الدرس

ليا والله انا اللي مستغرباك ماله بس مش عاجبك في ايه ده حتى شرحه ممتاز وهو اصلا چان كده في نفسه
اذا به يمسكها من رسغها ويفزعها عندما اوقفها امامه وهو ينظر لها بقوه
عاصي في بنت محترمه تتغزل في راجل غريب عنها كده وادام خطيبها كمان
ليا بتهتهه ااااانا مش قصدي يا عاصي سيب ايدي بتوجعني
تيا يا فتاح يا عليم يا بني ارحمنا بقي من غيرتك عليها دي شويه هي البت قالت حاجه
عاصي پغضب طب ابقي قولي كده ادام جوزك لما يجي وشوفي هيعمل فيكي ايه وانتي تعالي اقعدي علي الكرسي ده
ليا ازاي بس انا كده مش هافهم حاجه
عاصي بهدوء انشالله ما فهمتي يا حبييتي انا ابقى افهمك بعدين انا اصلا كنت شاطر في الالماني
تيا طيب يا شاطر ممكن بقى تهوينا
عاصي اتلمي يا تيا أحسنلك ولمي لسانك ده بدل ما مد ايدي عليكي
تيا ههههه طب اعملها كده ده كان زين يقتلك فيها علي فكره هو جاي النهارده
عاصي عارف يا ختي لسه مكلمني اصلا هو مافيش حد هنا ولا ايه
ليا قاعدين كلهم فوق في شقتنا
عاصي پغضب نعم وسايبن الشقه فاضيه ليكو حتي نانا كمان طلعت فوق مافيش حد يقعد وانتو بتاخدو الدرس
ليا يووه بصراحه بقى احنا مش عارفين نرضيكو يعني بابي يزعق لمامي ويقولها تطلع فوق وعمو حمزه يقول لغزل ماتنزلش اصلا
ونانا قالت انا تعبانه وعايزه انام ودلوقتي حضرتك جي تزعق نعمل ايه بقى
عاصي تعمليلي ساندوتش اكله قبل المدرس ده ما يجي وانا هادخل اغير هدومي وهاقعد اذاكر في اوضتي وهافتح الباب وعيني هتبقى عليكو انتو الاتنين وعالله اسمع ضحكة واحده فيكو مفهوم
ليا وتيا اوف بقى حاضر
عاصي ايوه كده براڤو عليكو يلا بقى يا لولتي اعمليلي ساندوتش اي حاجه ويا ريت معاه كوباية شاي
ثم تركها وذهب من امامها
ليا بغيظ وصوت خفيض لولتي انا ايه اللي خلاني اتنيل و أوافق بس يا ربي
عاصي وهو يلتفت لها بتقولي حاجه يا حبيبتي
ليا هاه لا ابدا اتفضل حضرتك وانا هدخلك الاكل لحد عندك
تيا هههههههههه اه يا جبانه
ليا اضحكي ياختي مانا مخطوبه لخط الصعيد انا
وبعد ان حضرت له الطعام وكوب من الشاي دقت علي باب غرفته حتى تعطيه له
عاصي ادخلي يا حبيبتي
ليا وقد دلفت اليه اتفضل يا سيدي الاكل اهو وكمان الشاي عايز حاجه تاني بقى
عاصي وهو يلبس تيشرته لاء ياحبيبتي