رواية نسائم الروح الفصل الأخير
رواية نسائم الروح للكاتبة أمل نصر
انا بتكلم ع التليفون والرغي مع البت ما تحترم نفسك البت متفهمش المسخرة دي
رفع له حاجبا باستهجان يرد
وافرض متفهمش يا سيدي امال انا وظيفتي ايه معاها دا انا جوزها يا عم نفسي بقى تستوعبها دي وياريت تبطل تدخل كدة ھجم تاني ف لحظاتي الخاصة خلي بالك انا ممكن اقطع الخلف منها الخضة دي ودا مش كويس على مستقبل اختك معايا.
صدح بالأسم بلطمة أكبر على الباب ليعقب الاخر
يا دي النيلة على يوسف انت هتفضل واقفلي كدة عيب يا بسيوني اخرج يا حبيبي خليني اركز في اللي انا فيه ولا انت شوف حالك وافتكر انك عريس واتصل بعروستك اخرج بقى واقفل الباب وراك مش عارف اخد راحتي .
امتقعت ملامحه بشدة فهذا الولد ببروده الا متناهي سوف يتسبب له بجلطة ليضطر اخيرا للخروج مغمغما بالكلمات الحانقة
اما عن الاخر فقد مط شفتيه بعدم اكتراث ليعود الى مهاتهفتها مرة اخرى
ايوة يا روح قلبي كما بنقول ايه بقى....... بسيوني لا يا حبيبتي دا كان بيهزر معايا..... قوليلي بقى انتي بتعملي ايه دلوقتي
وداخل المنزل
دلف عائدا من الخارج من أجل تبديل ملابسه العادية لأخرى مخصصة لهذه المناسبات.
هتف مناديا بإسمها بطريقته المعروفة بعدما بحث بعيناه عنها ولم يجدها.
جاءه الرد من مخرج حمام الغرفة تسحب ابنها بعد ان حممته لتقول ضاحكة
يادي المد اللي مش فاهماه اموت واعرف ليه الاسم مختلف من خشمك .
بادلها ضحكتها يجيب قبل ان يلتقط الصغير ويقبله
بحسه حلو على لساني امد فيه زي ما انا عايز ومحدش له حق يقلدني ولا ايه يا باشا
يا باسا.
عبس يشاكسه
تاني برضو بتاكل النقط اللي ع الحروف ياض كدة هيبتك تروح جدام البشر هتورثني وتبجى كبير كيف
قهقه الصغير مستجيبا لدعابات الأخير امام اعين والدته العاشقة لهذا الرجل وامتنان لا يوصف نحوه.
تركتهم في مزاحهم لتتجه بخطواتها البطيئة نظرا لكبر البطن بحمل التوأم ثم لتجلس بصعوبة تمسك بكفها على ظهرها من الخلف حتى لفتت ابصاره ليصرف الطفل بلطافة
سمع منها ليركض سريعا بفرحة واشتياق لحكايا الجدة العجوز واتجه هو إليها ليعدل الوسادة قبل ان يتخذ وضعه خلفها ثم يسحبها بلطف
ارجعي وريحي ضهرك زبن دا اكيد من الشجا في الفرح انا جولت من الاول تخفي على نفسك البيت مليان.
تبسمت مستسلمة ببطء لسحبه لها حتى تفاجأت بصلابة ما استندت عليه لتنتبه ان ظهره هو المسند وليس الوسادة استدركت لتشهق بجزع
يفتح عليك واحنا ما صدجنا
شدد عليها بذراعيه
بعيدة عن الچرح اطمني لكن فلفصتك دي هي اللي ممكن تأذيه صح.
توقفت على اثر تعقيبه الاخير لتخاطبه برجاء
يا حبيبي طب لزومه ايه نجيب الأذية لنفسينا حتى المخدة اطرا واريح.
قالتها بمزحة قابلها بتصنع العتاب
يعني المخدة احن مني يا نادية
تطلعت اليه مضيقة عينيها وكأنها تكشفه ولكنها كالعادة ترضي هذا الجزء لديه
انا جولت أطرى واريح يا غازي مجيبتش سيرة الحنية انت مش بس حنين يا جلبي دا انت السند والضهر الحجيجي.
تبسم بوسع فمه وقد اسعده مكرها في الرد ليزيد من النشديد عليها بضمته مراعيا چرح صدره
بجيتي عفريته وبتغلبيني في الكلام يا بت هريدي انا عارف كنتي مخبية الشجاوة والعفرتة دي فين
ردت ضاحكة
اتعلمته على يدك يا حبيبي .
وه .
غمغم بها
وهو حبيبك عاد له هيبة خلاص ما راحت على يدك وفي الجري وراكي يا بووووي كرريها تاني.
قهمت مقصده لتجاريه ككل مرة يطلبها منها
حبيبي حبيبي هفضل أكررها في اليوم مية مرة يا ناس
وباللأف كمان انا عمري ما اشبع منها.
وعند سليمة التي اصبح منزلها الان يعج بعدد الأفراد التي تدخل وتخرج داخله بعدما حولت معظم الطابق الأرضي لجمعية خيرية شاملة من رعاية النساء الأرامل والمطلقات وفصول تقوية لطلاب المدارس بدعم حكومي وفره لها غازي بعلاقاته وتبرعات اهلية ان كان مال او تطوع .
وقد نقلت سکينة معها في الطابق الثاني برضاء تام من المرأة وقد تحول الميراث الملعۏن لشيء جديد ينفع البشرية ويدخل في قلب الحزين الفرح بما تم
تبسمت باتساع فمها حينما طلت عليها هذه الفتاة الصغيرة صاحبة الفكرة من بدايتها تدخل المنزل بصحبة اباها والذي اشرق وجهه وتحول لانسان اخر بعدما ذاق حب البشر الحقيقي له بعد تغير شخصيته
ولذة النجاح بتفوق ابنته الذي اصبح يشهد عليه الجميع.
صباح الخير يا خالة سليمة.
القت اليها بالتحية لتتلقفها الأخيرة تضمها وتقبلها من وجنتها
صباح الفل يا حلوة شكلك جاية من الدرس .
تكفل فايز بالرد
جابلتني وهي جاية من درس العلوم شبطت فيا ناجي ونطل عليكم عاملين ايه بجى
تبسمت له بود وقد وأدت بداخلها جميع الاحقاد بعد تغيره
احنا زين والحمد لله يديم نعمه علينا
اللهم امبن يارب
غمغم بها قبل ان يأمر ابنته
اسراء اطلعي فوق عند ستك وانا جاي وراكي
سمعت منه وصعدت على الفور تنفذ الأمر لتخلو المساحة الصغيرة الا منها ومنه لتبادره بالحديث كالعادة
عاملة ايه شربات معاك لساها على جنانها ولا هديت شوية
ابتلع الغصة داخل حلقه يعلم جيدا ان تفهمه ولذلك دائما ما تتعمد تذكيره بسؤالها وهي معها كل الحق.
لا هديت يا بت عمي بعد ماشافت ع التلفون تكريم الناظر للبت والشكر في شطارتها شوية شوية بجت تحس من سؤالات الناس والكلام عن البت اهو سبحان الله لف الزمان ولجينا اللي نرفع راسنا بيه.
وبكرة تفرح بيها اكتر لما تكبر وتبجى حاجة زينة الايام مع البنتة بتعدي بسرعة.
قالتها بتمني حقيقي شعر به ليرد بامتنان
تشكري يا بت عمي انا متبشر بيها جوي معرفش ليه بتفكرني بيكي.
ربنا يخليهالك
قالتها وابتسامة لاحت على محياها قبل ان تحرك اقدامها لتذهب نحو الداخل عن اذنك بجى داخلة اطل على فصل محو الامية جوا عارف بجى رط الحريم
غمغم في اثرها بحسرة كالعادة قبل ان يتخذ طريقه نحو والدته في الطابق الثاني
عارف يا بت عمي عارف
والى زوج الاحباب وقد عادت المياه الصافيه بينهم الى مجاريها فقد كانت هي امام المرأة تعدل من هيئتها بعد ارتداء عباية راقية تليق بها في مناسبة كهذه وتناسب الوضع الجديد لها بعدما كبرت بطنها بشكل يجعلها شهية بصورة غير طبيعية في عين حبيبها والذي وقف خلفها يمارس عادته في تأملها كالعادة ولا يمل ابدا
عارف
يا روح عارف.
انا حاسة نفسي تخنت في الجسم كله مش بس البطن ولا انت ايه رأيك .
اقترب ليلف ذراعبه حولها من الخلف يضع يده على بطنها ويحدث انعكاس صورتها في المراة
اجولك الحق ولا ابن عمه.
ابنلعت تجيبه بتوتر
جول يا عارف شكلك كدة هتصدمني
ضحك معقبا بمرح لقولها رغم جديته
مش انا طول عمري بجول ان انتي احلى بنات العيلة .
اممم .
زامت بها بريبة تخشى القادم ولكنه اجهض قلقها بقبلة على وجنتها المكتنزة بفضل الحمل يقول
انا دلوك بشوفك احلى من كل المراحل اللي عديتي بيها من وانتي طفلة صغيرة بجصة ع الجبين
تبسمت براحة لإطراءة قبل ان يجفلها بقوله
لدرجة اني بتمنى انك تفضلي كدة دايما
الټفت برأسه تسألها بعدم استبعاب
افضل كدة تخينة ولا حبلة
ضحك يلعب حاجبيه
الاتنين عايزك تحبلي على طول وتتخني على طول.
عبست بغيظ مرددة وهي تحاول الافلات من ذراعيه
لا دا انت بتهزر بجى بعد يا عارف عايزة اللحج الفرح وانت شكلك فاضي بتهزر.
زاد من تشبثها بها فلم يسمح لها بالتنصل مستمتعا بمنكافتها
وان مسيبتش هتعملي ايه لو راجلة فكي نفسك.
جاهدت بيأس حتى دبت الأرض بقدميها متذمرة
يا بوي عليك لما تغلس.
وكان رده قهقهة عالية يفتنه كل فعل منها حتى الڠضب يراه منها جميل عجيب امر هذا العشق.
دلفت اليه داخل غرفة مكتبه بالشقة بخطوات مترددة تفرك كفيها ببعضها تفتح فاهاها وتغلقه في اللحظة عدة مرات حتى شعر بها دون ان يرفع رأسه عن الاوراق التي يباشر العمل عليها
عايزة ايه يا هدير اتكلمي .
جسرت نفسها لتخبره على الفور
عايزة اروح الفرح .
فرح مين
سالها ليصدر صوتها بالإجابة التي صعقته
فرح ورد اخت بسيوني .
مين انتي عايزة تروحي فين
هتف بها بحدة قابلتها هي بشجاعة
انا جولت فرح ورد عشان هي صاحبتي والفرح معمول في ساحة الدهشان مش في البيت نفسه.
وتفرق.
ايوة تفرق عشان هي صاحبتي زي ما جولتلك وجاتني هنا ودعتني بنفسها
توقف يطالعها باستغراب
صاحبتك كيف وهي في تانية كلية انما انتي..
دبلوم عارفة نفسي بس هي صاحبتي من الاعدادي اينعم كانت سابجاني بسنة ودخلت ثانوي وتعليم عالي انما عمرها ما اتكبرت عليا حتى بعد ما اتخطبت لبيه كبير من مصر برضو مبطلتش سؤال عني ولما تشوفني كأنها شافتني امبارح.
كلماتها المقصودة وصلت اليه بوضوح ليكتنفه الخجل بداخله وقد وصله المرارة التي تتحدث بها ليباغتها بسؤاله
هدير انتي عايزة تكملي كلية
كان بصمتها وهذه النظرة المتشككة ابلغ رد له لتبزغ ابتسامة بثغره ويفاجئها برده
انا بتكلم جد لو عايزة من بكرة اسعالك في الموضوع ده فكري كويس واديني قرارك عشان انا مش بهزر وان كان ع الفرح ف انا موافج .
صح والله يا عمر.
صدرت صيحتها بلهفة ذكرته بهدير القديمة لتقترب بالخفة التي افتقدها منها ثم تقبله على وجنته مرددة
شالله يخليك يارب ويسعد ايامك انا هروح البس بسرعة عشان البنات بجالهم ساعة بيتصلوا بيا
قالتها وتحركت سريعا لتهرول من أمامه فظل لمدة من الوقت يطالع اثرها بانشداه محدثا نفسه
تبا لها الرزانة والتعقل ان نزعت من الإنسان الطفولة كما تبا له من احمق حتى لا يشعر بقيمة الأشياء الجيدة بحياته الا بعد فقدانها..... او ربما مازال هناك فرصة لأعادتها مرة أخرى
في المساء
كان الفرح ممتلا على آخره بقائمة المدعوين وغير المدعوين على منصة العرسان جلس الاربعة مشمش وفرحتها كطفلة فازت بجائزة اليانصيب رغم عتبها عليه لتركيزه المنصب على شقيقته وعريسها الذي لا يكف عن الرقص وسحبها معه.
شايفة يا مشمش الواد المجلجلز ده عمال يرجص في البت ويشيل فيها من غير خشا ولا حيا.
خرج ردها بعبوس
على الاقل مبين انه فرحان بيها مش زيك مش معبرني من أساسه ولا اكني مڠصوبة عليك .
التف إليه بجزع ينكر
لا يا مشمش ايه الكلام ده يعلم الله
