رواية في ظلمة بيجاد بقلم /ميادة مأمون
يهمني الواد دلوقتي وازاي نقدر نوصله.
اتكئ عاصي على كتفه وجلس بجانبه ليسأله مؤكدا عليه
قصدك ايه انت في حاجه دايرة جوه دماغك ياض انت انطق على طول وقول بتفكر في ايه.
قصدي ان الواد راح لحسن ده بمزاجه وشكله كمان مبسوط عنده و الا ماكنش هيقول لبيجاد الكلام اللي كلنا سمعناه وانه ممكن يخليه مايرضاش يرجع معاه تاني.
تعرف ياض يا يزن انا شخصيا ماستبعدهاش اصل بيجاد ده كان طول فترة الكلية قلبه جامد كده وممكن قوي يكون مابيعرفش يتعامل مع الأطفال.
نفض ياسين قميصه وجلس هو الاخر بجانبهم مشيحا وجهه عن اخيه
بس دا مش مبرر يا خالي مش معنى انه قلبه جامد انه هيكره ابنه أو نستنتج انه كان بيعامله بطريقه وحشه عشان كده الولد فضل انه يمشي مع اللي اسمه حسن ده.
انا مايهمنيش كل الكلام ده دلوقتي اللي يهمني اني اعرف اربط الأمور ببعضها واوصل للواد ده النهاردة قبل بكره ها يا يزن هتقدر توصل لحاجة.
اطمن يا عمي انا هانزل دلوقتي اعسعس في المنطقة ولو وصلت لحاجه هاديك الو.
وقف أمامهم مستعدا للرحيل ليوقفه عمه بمسك معصمه.
خلي بالك من نفسك ياض تعرف المعلومه من بعيد وماتدخلش نفسك في حوارت احنا في غنى عنها.
اطمن بس اوعو حد فيكم يقول حاجه للدكتور عدي! ابويا لو شم خبر هايشلوحني.
ليردف بودا بمرح
ههههههئ ابوك مين اللي انت خاېف منه خاف من جدك عاصي يا حمار دا هايشلوحنا كلنا.
جري يزن على الدرج بخفه وهو يضحك وهم يقفون من خلفه يتلصصون في الأعلى وينتظرون صعود الجد الي شقته.
لتجيبه غمزه من الداخل
ايوه حاضر يا عاصي ثانيه واحده.
فتحت له الباب وتقدمت للخارج معطيه لضيفهم مساحه للدخول.
عاصي
لسه في حد من البنات جوه يا غمزه ولا المولد انفض وسمعو الكلام.
هههه لاء اطمن يا حبيبي كل واحده راحت علي شقتها ببناتها زي ما أمرت تمام.
عاصي
طب والبنوته الحلوه اللي مستخبية جوه دي عامله ايه دلوقتي للأسف مالحقتش اقعد معاها واعاكسها بمزاج.
غمزه
هههههه كده هاتخلي جوزها يغير عليها منك خد بالك يا بيجاد يا ابني ده بيعاكس البنات الحلوه.
دا احن اب وكبير عيله بجد وانا افتخر اني اتعرفت عليه وقعدت في بيته والله.
عاصي
طب يلا يلا بلاش كلام كتير يلا يا غمزه احنا كمان عشان نطلع نرتاح احسن الواد ده تعبني اوي النهارده.
غمزه
ههههههه يلا يا حبيبي بالحق يا بيجاد انا واختي غزل حضرنا ليكم العشا على السفرة
اوعي تدخل تنام من غير ما تتعشى وتأكل مراتك احسن دي حامل يا حبيبي وضعيفة وقلة الاكل والزعل ده غلط عليها.
بيجاد بحزن
متشكر اوي تعبتو نفسكم والله هو مين ليه نفس ياكل بس.
لاء انت كده هاتزعلني منك مش معنى انك حزين على ابنك الكبير اللي انشاء الله ربنا هايرجعو ليك بالسلامه انك تضيع من ايدك ابنك اللي لسه مجاش على وش الدنيا لازم تحافظ عليهم هما الاتنين يا ابني.
وهنا تدخل العاصي في الحديث مطمئنا له
ادخل لمراتك يا ابني واعتبر الشقه دي شقتكم وبكره انشاء الله مش هيعدي الا وابنك في حضنك.
اومئ له برأسه وترجلو سويا للخارج وأغلق الباب من خلفهم واتجه الي زوجته
صعد الدرج معها وهو ينظر للأعلى ليلمح طيفهم ويعلم انهم
