مغامرات أبناء العاصي بقلم/ميادة مأمون
انت في الصفحة 1 من 4 صفحات
الفصل الأول
ازيكم عاملين ايه انا بوده او عبدالرحمن العاصي ابن بابا اللي في الصوره ده
اختي تيا هي اللي بتقولي يا بوده بس زين اخويا حبيبي ديما بيزعق ليها ويقولها بطلي تدلعيه
هو بقي راجل وعنده سبع سنين واللي معايا في الصوره دي طمطم او فاطمه بنت عمو حمزه وخالتو غزل شفتو حلوه وقلبوزه اذاي
انا بحبها اوي وديما بتخانق انا واختي التانيه ليا عشان بتزعلها وتقعد تزعقلها
ويقعد يزعقلها والله بتصعب عليا ساعات عشان معاها حق اصل طمطم فتانه شويه
ديما تسمع اللي هي بتقوله وتروح تنقله كله لعاصي
اما بقى القمر ده يبقي عدي لا استنو عيب اسمه عمو عدي احسن بابي يزعل
ديما بيقولي احترم عمك ومتندهلوش بأسمه هو هيبقى دكتور اد الدنيا
اقوله طب ما هو عاصي اولى هندسه اقوله ايه
يقولي قوله يا ابيه بس عاصي مش ردي وقاله استنو اما اقلده ليكو
هو كان بيقوله كده ابيه مين يا عم الحج ولااااااا لو سمعتك بتقولي الكلمه دي هنفخك انا مبحبش الاحترام الزياده ده
قولي يا عاصي زي بتقول خلي ابيه دي لزين باشا اهو ده اللي لازم تحترمه ليعلقك بجد هههه
رد عليه عاصي وقاله كل عيش يابا ايه يعني دخلت الهندسه بس لازم كلنا نحترمه هو مافيش مهندسين يعني بيدخلو الحجز اهو لو دخلناه هو يطلعنا منه
ضحك بابي عليه وقاله ظابط في الحربيه يا حيوان مش في الدخليه
عاصي قاله وماله يا عم المهم لينا ظهر جامد
جري عاصي من قدامه وهو بيقول لا وعلي ايه دا عدي حبيبي انا نازل اقعد معاه هو وجدي في الوكاله
سلام يا بشوات انتو مش رايحين شغلكو ولا ايه
بابا قاله رايحين يا أخويا واعمل حسابك اني هنزلك تدريب عملي في الشركه انا مش لسه هاستني لما تتخرج
بابا قاله تتفسح وتنبسط ولا تمشي مع بنات يا صايع امشي يلا من هنا
نزل عاصي جري من قدام بابا وعمي وهما بيضحكو عليه الله هي طمطم راحت فين
اسيبكو انا بقى معاهم واروح ادور عليها لازم طلعت تتصنت علي ليا وتيا وهما قاعدين في اوضتهم
اما الحقها قبل ما ليا تضربها ولا تزعقلها عديني يا مامي بقى
غمزه بوده وبعدين معاك اتكلم بأدب ومالك بتجري
