رواية نسائم الروح للكاتبة أمل نصر

زين يا عارف خلى مخي هدي شوية من التفكير ياللا بجى.... هي ونصيبها.
وعند النساء كان الحديث نفسه ما يدور بينهما ولكن بصوت خفيض حتى لا يلفتن النظر اليهم من الأطفال
طب انتي معرفتيش العريس دا من فين بالظبط يا روح
عارف جالي من القاهرة لكن اصل وفصل معرفش بالظبط هو من فين لكن انتي بتسألي ليه فضول الأنثي ولا حاجة تانية
قالت الأخيرة بمغزى فهمت عليه الأخرى لتصحح على الفور
لا والله يا روح انا بسأل عشان اطمن عليها مدام بتجولوا غريب يبجى لازم اقلق.
طالعتها بنظرة متمعنة ترا الصدق جليا في نبرتها عكس الأخرى تلك التي كادت ان تسبب لها بڤضيحة سابقا ولكن الله ستر ليعود عليها فعلها بالأمس وتزوق من نفس الكأس من وقت ما سمعت بقصتها من زوجها وعقلها لا يكف عن التفكير واسترجاع الأحداث مع ما اكتشفته حديثا من اشياء كانت غافلة عنها لتتيقن من داخلها ان الله كان خير مدبرا حينما جعل من تكرهها سببا في انقاذها.
روح انتي سرحتي ولا ايه بس
هتفت بها نادية لتنتشلها من شرودها لتعود اليها قائلة
لا يا ستي وانا اجدر خلينا نحكي في اي حاجة تانية غير السيرة الفقر دي الا جوليلي ايه اخبار الحمل في التوأم زي الحمل في واحد ولا في اختلاف
وفي منزل سعيد الدهشان
حيث كان حاضرا في هذا الوقت الجلسة مع ابنه امام هذا الضيف الثقيل وقد اتى اليوم تنفيذا للقرار الذي اصدره الرجل بالأمس لخطبتها والتعريف عن نفسه لهم
انا يا عمي ابن أصول ابا عن جد والد والدتي كان من العيلة المالكة ووالدي كان اكبر تاجر في بلده من فئة الشعب المكافح يعني حاجة تشرف اي انسان اتفضل حضرتك دي البطاقة بتاعتي تقدروا تسألوا عني وتعرفوا انا مين بالظبط.
قالها ثم نهض يعطي الاثنان البطاقة ليضيف عليها كرت صغير مدون به اسم الرجل وتجارته كإعلان له .
بامتعاض شديد تطلعا الاثنان في الاسم وصورته في البطاقة بالإضافة للكرت الصغير عن تجارة والده بصورة اولية يبدوا انه صادق خصوصا مع هذه الهيئة الراقية والمهندمة برقي شديد ووسامة مختلفة عن سمرة الرجال هنا ايدي بيضاء لم تعرف الشقاء ابدا ومع ذلك يوجد هناك شيئا ما به غير مريح
تجهم سعيد يخاطبه پغضب مدفوعا بتذكره لذل الأمس من ابن اخيه اللدود زوجها السابق
ولما انت ابن أصول ومن عيلة زينة كدة مدخلتش ليه البيت من بابه من الأول لزومه ايه اللف والدوران والشغل اللي مش مظبوط.
سارع على الفور يبرر بدفاعية
يا عمي احنا معملناش حاجة غلط فتنة كنت بقابلها في محلات عامة بكل ادب واحترام وحتى لما جاتني المكتب كانت جاية تباركلي دي انسانة واعية وناضجة وانا راجل محترم مش عيل صغير تافه.
اممممم
زمجر بها ناجي بغل يأمره
اتكلم عن نفسك ومتجيش سيرتها خالص بلاش تفكرني يدي لساها سخنة ع الضړب من امبارح.
سأله بتوجس
ضړب مين هو انت ضړبت فتنة
اااه شالله يدك تتكسر ولا تنشل يا ناجي ويجيبلي حقي منك.
هتفت بالكلمات امام المراة تتوجع من الألم وهي تتطلع الى اثار اللطمات على وجهها وتتحسس البقع الملونة على بشرتها نتيجة الضړب المپرح منذ الأمس .
عقبت رئيسة پغضب منها
بلاها من الدعا واحمدي ربنا انه مخلصش عليكي كنت عايزاه ياخدك بالحضن ولا يطبطب عليكي بعد عملتك السودا
الټفت اليها صاړخة بهياج
تاني بتدافعي عنه ومش متحملة كلمة كمان طب اهو الراجل داخل البيت من