مغامرات أبناء العاصي بقلم/ميادة مأمون

الفصل الثالث والعشرون
وصلو إلى المسجد وتوضؤو الثلاثه ووقف به أمام المنبر وهو يهتف به

الجد طول عمركم من وانتو صغيرين وانا كنت حريص على اني أعلمكم الصلاة والقرب من ربنا
عشان ربنا يحفظكم من وسوسة الشيطان أنا مش هاسألك ولا هحاسبك واقولك انت عملت ايه وغلطت في ايه
بس هاسيبك توقف قدامه منك ليه عايز تشتكيله اشتكي عايز تعترفله بأخطأك اعترف حاسب نفسك علي خطيىئتك وعاقبها

صلى بخشوع لربنا يا عاصي علي قد ما تقدر صلي وانا واقف في ظهرك ولما تحس انك خرجت كل اللي جواك تعالى نتكلم ونوصل لحل سوى
ما كان منه إلا أن يطيع هذا الكهل الذي دائما ما يحتويه ويرشده إلى الطريق الصحيح
وقف امام ربه متقبلا وجهه له في خشوع والعبرات تنهمر علي وجهه وبدء صلاته
وقف عدي بجانب والده يصلون ركعتان تحية المسجد وهم يستمعون إلى شهقاته الحاره وبعد أن صلو فرضهم
جلسو في انتظار انتهائه من صلاته يستمعون الي صوته العذب الممتلئ بالشهقات وهو يرتل القرأن
وبعد مرور ما يقرب من ساعه انتهى اخيرا والټفت اليهم وجدهم جالسين مع شيخ المسجد في انتظاره
ذهب اليهم وجلس معهم في صمت ووجهه احمر عيناه منتفخه من كثرة البكاء
ليصيح الشيخ وعليكم السلام ورحمة الله وبركاته اهلا بيك وسطنا
احني رأسه بخزي ولم يتحدث
الشيخ ايه ماتعرفش ان تحيتنا هي السلام ولا ايه طب قولي الاول انت اسمك ايه
نطق بكلمه واحده عاصي
الشيخ وهو ينظر الي الجد بمرح مالقتوش غير الاسم ده تسموه بيه ما هو كل انسان بيبقي له نصيب في اسمه
الجد سمناه علي اسم عمه عشان يبقى راجل وجدع زيه بس للاسف خزلنا كلنا وطلع اسم علي مسمى
الټفت الى جده بأندهاش وهو يبكي بحراره
الشيخ طب ممكن تيسبونا نتكلم براحتنا انا وهو شويه
الجد حاضر يا شيخنا الفجر اصلا قرب يأذن تعالى يا عدي نستعد للصلاه
عدي وهو يسند ابيه حاضر يا بابا وابتسم للأخر وهمس له عاصي هاستناك تيجي تصلي الفجر جانبي
اومئ له برأسه دون ان يتحدث وذهبو من امامه ليلتفت الي الشيخ مره ثانيه
الشيخ قولي بقى ايه اللي مديأك ومزعل الكل منك كده
احنى رأسه وصمت ثانية وتفاجيء بكلام هذا الشيخ يا ساتر للدرجه دي ايه قټلت مثلا
...........
سړقت طيب
............
ادمنت وشربت مخډرات
........
سكير وبتعصى ربنا بشرب الخمر والمنكر
..........
ما هي كل دي معاصي وكبائر ربنا بيحاسب عليها
عاصي بصوت خفيض انا مصلي وحافظ للقرأن وجدي ده هو اللي محفظني
الشيخ طب كويس اوي اومال فين المشكله بقى ايه الذنب اللي انت عملته مخلي الكل زعلان منك كده
عاصي ذنبي الوحيد اني بحب بنت عمي وعايز اتجوزها وهما شايفين ان ده غلط واني لسه صغير
الشيخ الزواج نصف الدين بيعصم الشاب عن الوقوع في الاخطاء
وحاجه كويسه انك تبقى عايز تستقر بس قبل ما هما يعوزو انت