رواية عاصفة بأسم الحب الفصل الخامس عشر

كل يوم نفس المسلسل الهندي ده افتحي بوقك يا أزهار ما أنا كمان عيان و باخد دوا يلا...
نظرت إليه بحزن طفلة صغيرة ثم فتحت فمها تستقبل الدواء بصمت ابتسم إليها بمرح مقبلا ثغرها ثم أردف 
_ زي القمر يا حبيبتي في كل حالاتك دوري أنا بقى آخد العلاج من ايدك يا شوكولاتة...
قطع حديثهما رنين هاتفه برقم الحارس الموجود مع جوليا حدق بها بارتباك قبل أن يغلق الخط إلا أن الآخر أستمر على الاتصال ليفتح و عينه على أزهار التي أغلقت عينيها بنعاس 
_ خير في ايه يا زفت أنت...
_ مدام جوليا بتولد يا فاروق باشا اجبها أي مستشفى!...
انتفض من مكانه خارجا من الغرفة لتفتح أزهار عينيها بتعجب اما بالخارج رد فاروق پغضب 
_ إياك تروح بيها المستشفى اللي أنا فيها بصي روح مستشفى و أنا جاي على طول....
أشار لفارس ليقترب منه مردفا بقلق 
_ خير يا فاروق رايح فين...
أجابه فاروق و هو يتحامل على عكازه مردفا بنفاذ صبر 
_ خد بالك من أزهار لحد ما أرجع يا فارس...
دلفت فريدة و جليلة لغرفة أزهار لتقول لهما بتوتر 
_ هو فاروق راح فين!.
ابتسمت إليها جليلة بهدوء قائلة بمكر 
_ راح مشوار مكنش عايز يسيبك قولتله متخافش على حبيبة القلب في الحفظ و الصون...
أومات إليها أزهار بتعب قبل أن تدلف الطبيبة غير التي كانت تتابع حالتها أخذت التقرير الخاص بحالة أزهار قائلة بهدوء 
_ أنا الدكتورة مني هتابع مع حضرتك لأن الدكتورة أسما أخذت إجازة مدة...
تابعت الحديث دون أن تلاحظ إشارات جليلة و فريدة لها 
_ حالتك دلوقتي بقت أحسن يومين كمان و ممكن أكتب ليكي خروج بس طبعا هتفضلي ماشية على العلاج ده لحد ما الرحم يهدى مش عايزة يكون عندك يأس ياما ناس الدكاترة كانت فاكرة إنهم مش هيخلفوا تاني و بقى عندهم أطفال خلي عندك إيمان كبير بربنا.... بس أهم حاجة العلاج بانتظام يا مدام أزهار أوعي تفقدي الأمل حتى لو فعلا التقارير بتقول إن حملك مرة تانية صعب جدا ...
_ حملي مرة تانية مستحيل...